Sot, deri më 12 prill në Republikën e Kosovës, do të qëndrojë për vizitë zyrtare presidenti i Republikës së Shqipërisë, Bajram Begaj. Presidenti Begaj fillimisht do të vizitojë komunën e Gjilanit, ku do të pritet nga kryetari i kësaj komune, Alban Hyseni nga ora 13:20.
Bajram Begaj pritet të nderohet edhe me titullin “Qytetar Nderi” i komunës së Gjilanit.
Me këtë rast Policia e Kosovës, njofton se gjatë kësaj vizite, e cila realizohet në Republikën e Kosovës, do të kujdeset për ruajtjen e rendit dhe qetësisë publike gjatë kohës së lëvizjes së eskortës dhe kohës së qëndrimit të delegacionit në Kosovë.
Mundesh me e lexu edhe…
“Për të mundësuar qarkullim të lirë të eskortës sipas itinerarit të lëvizjes nga pika kufitare Vërmicë si dhe zhvillimin e aktiviteteve sipas agjendës së vizitës në rajonet e Kosovës, Policia e Kosovës do të bëjë ndërprerje të përkohshme të qarkullimit të trafikut (në intervale të shkurtra kohore) të disa segmenteve rrugore (ku pritet të kalojë eskorta), ku edhe mund të ketë riorientim të trafikut në rrugë alternative”, thuhet në njoftim. Për këtë, Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik.
Pas vizitës në Gjilan, do të ketë takime me shefat e grupeve parlamentare. Po ashtu do të ketë një bashkëbisedim me personalitete të qytetit të Gjilanit, përfshirë të dënuar politikë, përfaqësues të shoqatave të dala nga lufta, shkrimtarë e artistë. /Katror.info
Përgatiti:
