Trajneri brazilian, Sylvinho u pa shumë i gëzuar dhe këtë nuk e fshehu aspak pasi arriti ta kualifikojë Kombëtaren e Shqipërisë në Kampionatin Evropian.
Shqipëria luajti baras 1-1 në udhëtim te Moldavia në ndeshjen e raundit të nëntë të Grupit E.
Ky barazim bëri që kombëtarja shqiptare të sigurojë tashmë kualifikimin për në Kampionatin Evropian që do të mbahet në Gjermani.
Mundesh me e lexu edhe…
Me të përfunduar ndeshja, emocionet ishin të shumta, por edhe festa ishte e madhe në fushë dhe në zhveshtore. Megjithatë, një festë e trajnerit Sylvinho me tifozët në shkallët e stadiumit, është bërë virale edhe në mediat ndërkombëtare.
“Gëzimi i trajnerit të Shqipërisë, Sylvinho!”, ka shkruar mediumi turk Fanatik, duke ia bashkangjitur edhe videon. Në video, Sylvinho shihet duke uruar çdo tifozë që i ngjaste dorën në shkallët e stadiumit, ndërsa disa tjerë edhe i përqafonte.
Shorti për Evropianin në Gjermani do të tërhiqet më 2 dhjetor nga ora 18:00 në Hamburg. Të kualifikuara janë edhe Belgjika, Franca, Portugalia, Spanja, Skocia, Turqia, Austria, Anglia, Hungaria e Sllovakia. Gjermania është pjesëmarrëse si nikoqire./Katror.info
Përgatiti:
