Laura Fazliu do të garojë sot në Kampionatin Botëror të xhudos në Budapest të Hungarisë. Në program është gara e kategorisë deri 81 kilogramë te xhudistët dhe kategorisë deri 63 kilogramë te xhudistet, shkruan KOHA.
Laura në xhiron e parë të kategorisë deri 63 kilogramë është e lirë. Në xhiron e dytë e pret fituesen e luftës mes Himanshi Tokas të Indisë dhe Natalia Kropska të Polonisë.
Laura Fazliu është bartësja e katërt, por po kthehet nga një lëndim që e pësoi më 7 mars në Austri. Nuk ka garuar më prej atëherë. Laura e fitoi medaljen e bronztë olimpike në Parisi 2024.
Mundesh me e lexu edhe…
Nëse shfaq më të mirën, Laura pritet të hyjë në luftë për medalje.
Në kategorinë deri 63 kilogramë janë plot 44 xhudiste, si në asnjë kategori tjetër./Katror.info
