Brainobrain Kosova ka arritur rezultate të jashtëzakonshme në Garat e 15-ta Ndërkombëtare të Abakusit dhe Aritmetikës Mendore, të mbajtura më 14 shtator në Kloten të Zvicrës.
Në këtë kompeticion, ku morën pjesë mbi 600 fëmijë nga 9 shtete, Kosova u përfaqësua nga 50 nxënës të Brainobrain Kosova, të ndarë sipas niveleve dhe kategorive të moshës. Fëmijët kosovarë shkëlqyen duke u shpërblyer me:
- 24 trofe kampion
- 23 medalje të arta
- 3 medalje të argjendta
Ky sukses është cilësuar si rezultat i përkushtimit të fëmijëve, punës së trajnerëve dhe mbështetjes së prindërve.
Mundesh me e lexu edhe…
Si rrjedhojë e këtyre arritjeve, Brainobrain International ka nënshkruar marrëveshje me Brainobrain Kosova për Master Franshizën e programit në Shqipëri, duke mundësuar që ky program i njohur edukativ të nisë së shpejti edhe për fëmijët shqiptarë./Katror.info
