Në një kohë kur feston një tjetër pikë referimi në rrugëtimin e saj të botimeve, Britney Spears është goxha e kënaqur.
Sipas një komunikate shtypi nga shtëpia botuese Gallery Books, libri sensacional i Spears, “The Woman in Me”, ka shitur mbi dy milionë kopje në Shtetet e Bashkuara, shkruan People, transmeton AlbanianPost.
Shifrat e shitjeve përfshijnë formatin e librit me kopertinë të fortë, versionin e librit me zërim dhe shitjet elektronike.
Mundesh me e lexu edhe…
“Libri im ka shitur zyrtarisht mbi 2 milion kopje në SHBA! Faleminderit të gjithë fansave që më kanë mbështetur mua dhe historinë time. Ju dua”, tha Spears në deklaratën e saj.
Libri i kujtimeve i këngëtares së njohur, i pritur me padurim, u botua në SHBA më 24 tetor të vitit 2023 dhe theu rekordet brenda javës së parë të shitjeve, duke shitur mbi një milion kopje.
Në libër, ylli i hitit “Toxic” flet hapur për jetën e saj si një performuese inovative, duke filluar nga ditët si një pjesëtare e “Mouseketeer” në Mickey Mouse Club deri te suksesi si një sensacion i pop-rit adoleshent dhe ndikimi i famës në jetën e saj.
Spears gjithashtu shprehet për disa vështirësi me të cilat u përball, përfshirë kujdestarinë 13-vjeçare vendosur mbi të në vitin 2008, e cila u ndërpre në nëntor të vitit 2021.
Babai i Spears, Jamie, së bashku me një avokat, kontrollonin financat dhe pasurinë personale të Spears përmes kujdestarisë.
Po ashtu, Spears detajon reagimin e saj ndaj lëvizjes virale “#FreeBritney”, sfidat e saj me shëndetin mendor dhe marrëdhënien e saj me Justin Timberlake, ku ajo zbuloi se kishte bërë një abort gjatë kohës kur ata ishin bashkë.
“Koha ka ardhur përfundimisht për mua të ngre zërin dhe të flas, dhe fansat e mi meritojnë ta dëgjojnë drejtpërdrejt nga unë”, tha Spears.
“S’ka më konspiracione, s’ka më gënjeshtra – thjesht unë po e shpalos të kaluarën, të tashmen dhe të ardhmen time”, shtoi ajo.
Pas publikimit të tij, “The Woman in Me” u bë menjëherë bestseller i radhës në listën e New York Times dhe arriti në vendin e parë në Britani, Kanada dhe Australi.
Sipas komunikatës së shtypit, libri aktualisht është në shtypshkrimin e pestë, me 1.65 milion kopje. Pritet që rreth 3 milion kopje të librit të jenë në printim në nivel botëror.
Gallery Books gjithashtu përmend se ‘audiobook-u’, me zë të Michelle Williams dhe një intro të folur nga vetë Spears, është i më shpejt shituri në historinë e shtëpisë botuese./Katror.info
Përgatiti:
