Dua Lipa po dyshohet se ka nisur një lidhje të re me aktorin britanik, Callum Turner, pasi dyshja u panë bashkë në një festë në Beverly Hills.
Në pamjet e siguruara nga TMZ, super ylli 28-vjeçar i muzikës pop u shfaq për një kohë të shkurtër duke kërcyer ngadalë me Callum, 33 vjeç, në ngjarjen e së mërkurës mbrëma, shkruan DailyMail.
“Është njohje e re, por ata janë të çmendur për njëri-tjetrin”, tha një burim i brendshëm i dyshes për tabloidin Page Six, duke shtuar: “Ajo ishte në premierë për ta mbështetur atë”.
Mundesh me e lexu edhe…
DailyMail ka kontaktuar me përfaqësuesit për media të këngëtares të cilët ende nuk janë përgjigjur rreth kësaj çështje.
Dyshja u panë me fytyrat e tyre afër njëra-tjetrës, megjithëse ishte e paqartë nëse ata u puthën gjatë interludës së tyre romantike.
Teksa u largua nga festa, aktori u pyet nëse ai dhe Dua ishin çift – dhe në vend që të mohonte, ai hodhi benzinë mbi zjarrin duke qëndruar i heshtur.
Aktori britanik është pjesë e serialit më të ri “Masters Of The Air” që u dha premierë.
Ngjarja e serialit fokusohet në Luftën e Dytë Botërore dhe krenohet me një kast mbresëlënës që përfshin yllin e “Elvis”, Austin Butler dhe aktorin e “Saltburn”, Barry Keoghan.
Callum është një nga anëtarët kryesorë të kastit në serial, i cili ka Steven Spielberg si një nga producentët e tij dhe Cary Fukunaga si një nga regjisorët e tij.
Ndërkohë Dua nuk është e përfshirë me serialin, duke ngritur kështu një sërë dyshimesh për prezencën e saj në këtë premierë.
Romanca e fundit e Duas vjen e freskët pas ndarjes së saj të supozuar nga i dashuri i saj i fundit, regjisori francez Romain Gavras.
Ky i fundit vite më parë ka qenë në lidhje edhe me shqiptaren tjetër të famshme, Rita Ora. /Katror.info
Përgatiti:
