Celine Dion i ka kushtuar një homazh bashkëshortit të saj të ndjerë, René Angélil, në atë që do të kishte qenë 30-vjetori i martesës së çiftit, të martën [17 dhjetor].
Në një postim që përfshinte një fotografi të zezë e të bardhë nga dita e dasmës së tyre, Celine Dion shkruajti: “Ti vazhdon të mbushësh zemrat tona, çdo ditë. Je gjithçka për ne. Na mungon shumë. Gëzuar 30-vjetorin, mon amour!”
Postimi tërhoqi shumë mesazhe mbështetjeje nga kolegë të industrisë muzikore të Dion, përfshirë ish-shefin e saj, ish-CEO i Sony Music Entertainment, Tommy Mottola, i cili shkroi, “Rene… ishte një nga burrat më të mëdhenj që kam njohur ndonjëherë!! Ai ishte drita juaj udhëzuese”, ndërsa këngëtarja Debbie Gibson tha, “dërgoj dashuri”, shkruan Billboard, përcjell Katror.info.
Mundesh me e lexu edhe…
Angélil, i cili kishte qenë një këngëtar pop në vitet 1960, kur performonte me grupin Les Baronets, vdiq nga kanceri i fytit në janar të vitit 2016, disa ditë para asaj që do të kishte qenë 74-vjetori i tij.
Këngëtarja e takoi për herë të parë Angélil kur ajo këndoi për të në një audicion në moshën 12 vjeçare, pas të cilit ai u bë menaxheri i saj dhe vuri në hipotekë shtëpinë e tij për të financuar albumin e parë të këngëtares së re.
Ata filluan të dalin bashkë shtatë vjet më vonë, në vitin 1987, kur Dion ishte 19 vjeç. Ceremonia e tyre luksoze në Bazilikën Notre-Dame të Montrealit më 17 dhjetor 1994 u transmetua drejtpërdrejt në televizionin kanadez. /Katror.info
Përgatiti:
