Krahasimet e portofolit të aksioneve të zgjedhura nga ChatGPT dhe aksioneve të fondeve (të mëdha) na tregojnë se sa ishte i suksesshëm AI si investitor.
Kur bëhet fjalë për investimin e kursimeve tuaja, kujt do t’i besoni – fondeve të provuara dhe të menaxhuara nga menaxherë me vite përvojë ose inteligjencë artificiale si ChatGPT?
Cilindo opsion që të vendosni, kujdesi dhe hulumtimi janë gjithmonë të nevojshme, natyrisht, për të marrë vendimin më të mirë të mundshëm.
Mundesh me e lexu edhe…
Përgjigjen për këtë pyetje e ka dhënë CNN në maj të këtij viti, bazuar në një krahasim të përzgjedhjes së aksioneve të ChatGPT dhe disa prej fondeve më të mëdha britanike të investimeve. Gazetarët ndoqën lëvizjen e portofolit të aksioneve nga fillimi i marsit deri në fund të prillit dhe rezultatet ishin mjaft interesante. Gjatë kësaj periudhe, portofoli i ChatGPT, i cili përfshinte 38 aksione, shënoi një rritje prej 4.9 për qind, ndërkohë që në të njëjtën periudhë dhjetë fondet më të mëdha të investimeve ishin në të kuqe mesatarisht 0.8 për qind.
Në atë kohë, ata komentuan në CNN se ChatGPT doli të ishte një investitor më i mirë në krahasim me menaxherët e fondeve më të mëdha.
Ekipi që lançoi profilin “The GPT Portfolio” në Twitter po përpiqej gjithashtu të zbulonte se sa i suksesshëm është AI në investimet në aksione dhe vendosi të investojë 50,000 dollarë në aksione të sugjeruara nga chatbot ChatGPT.
Nga mesi i majit, kur AI filloi tregtimin, deri në fund të muajit të kaluar, vlera e investimit u rrit me 8.7 për qind, pra u rrit me 4349 dollarë. Gjatë periudhës së fundit, inteligjenca artificiale shiti pesë aksione (përfshirë aksionet e Tesla-s), duke mbajtur në portofolin e saj aksione të kompanive si Nvidia, Microsoft dhe McDonald’s.
Shifra prej 8.7 për qind paraqet një rritje të shkëlqyer që është më e lartë se shumë fonde, por inteligjenca artificiale ende mbetet pas një prej fondeve më të mëdha të bursës. Siç theksojnë në faqen Finbold, gjatë së njëjtës periudhë SPDR S&P 500 ETF Trust arriti një rritje prej më shumë se 10 për qind.
Megjithëse është sigurisht interesante të monitorohet suksesi i investimit të ChatGPT dhe mjeteve të tjera të bazuara në inteligjencën artificiale në bursë, duhet të keni parasysh patjetër që të dhëna të tilla nuk duhet të shihen si këshilla financiare, por duhet të pyesni me kujdes për çdo vendim investimi. dhe të kërkoni këshilla nga ekspertë financiarë dhe të tregut të aksioneve./Katror.info
Përgatiti:
