Perspektivat e karrierës, dhe veçanërisht pagat e pritura gjatë gjithë jetës, mund të jenë faktor motivues ose pengesë e fortë në përzgjedhjen e degëve të studimit në universitet.
Jo të gjitha diplomat garantojnë fitime më të larta gjatë gjithë jetës në krahasim me hyrjen në fuqinë punëtore pas shkollës së mesme pa një diplomë – pasi disa diploma mund të përfundojnë duke kushtuar më shumë se përfitimet e tyre financiare.
CollegeNPV ka paraqitur kthimin mesatar nga investimi (ROI) i një diplome në SHBA, bazuar në analizën e të dhënave nga Departamenti i Arsimit i SHBA dhe Byroja e Statistikave të Punës.
Mundesh me e lexu edhe…
Kthimi nga investimi i një diplome është vlera e pritshme e jetës së diplomës (neto nga borxhi) në krahasim me hyrjen në fuqinë punëtore pas shkollës së mesme.
Më poshtë, paraqitet kthimi mesatar i investimit të degëve të ndryshme në SHBA:
Burimi: Visual Capitalist
Degët e inxhinierisë, shkencave kompjuterike dhe informacionit, matematikës dhe teknikës inxhinierike janë degët më të vlefshme në SHBA, bazuar në të ardhurat e pritura gjatë gjithë jetës minus borxhin, në krahasim me fillimin e punës menjëherë pas shkollës së mesme pa diplomë.
Sa i përket programeve specifike, diploma e shkencave kompjuterike të Universitetit të Harvardit renditet e para për ROI, sipas CollegeNPV.
Të diplomuarit e këtij programi mund të presin një ROI prej mbi 4 milion dollarë gjatë jetës së tyre, me 256,539 dollarë të ardhura mesatare dhe 14,000 dollarë borxh mesatar.
Nga ana tjetër, diplomat e shkencave humane si artet vizuale dhe interpretuese, teologjia dhe anglishtja janë ndër degët më pak të vlefshme, kur shikohen fitimet gjatë gjithë jetës.
Me një ROI negative prej rreth 39,000 dollarë, programet e gjuhës angleze gjithashtu kanë pësuar rënien më të madhe të të diplomuarve, me 32% më pak studentë, që kanë zgjedhur këto degë krahasuar me 10 vjet më parë./Shqip.al
Përgatiti:
