Një ilaç eksperimental ka ngadalësuar shkallën e rënies së kujtesës dhe të të menduarit tek njerëzit në fazën e hershme të sëmundjes së Alzheimerit në atë që përshkruhet si një “moment historik” për trajtimin e demencës, shkruan Guardian.
Efekti i terapisë ishte modest. Por duke pasur parasysh numrin e madh të dështimeve në zhvillimin e barnave për Alzheimer, është një kthesë mahnitëse për këtë fushë.
Gjatë 18 muajve të eksperimentit, bari i Biogen dhe Eisai ngadalësuan për 27 për qind shkallën e rënies së kujtesës krahasuar me ata që kishin marrë placebo. 1,800 persona u përfshinë në eksperiment.
Mundesh me e lexu edhe…
Ky është një ndryshim modest në rezultatin klinik, por është hera e parë që ndonjë ilaç është treguar qartë se ndryshon trajektoren e sëmundjes.
“Ky është një moment historik për hulumtimin e demencës, pasi kjo është prova e parë e fazës 3 të një ilaçi të Alzheimerit për të ngadalësuar me sukses rënien e aftësisë njohëse,” tha Dr Susan Kohlhaas, drejtoreshë e kërkimit në Alzheimer’s Research UK.
“Shumë njerëz mendojnë se Alzheimer është një pjesë e pashmangshme e plakjes. Kjo e shpjegon atë: nëse ndërhyni herët, mund të ndikoni në përparimin e njerëzve.”
Shkencëtarët mendojnë se në shumicën e njerëzve sëmundja e Alzheimer -it është e shkaktuar nga faktorë gjenetikë, ambientalë dhe stili i jetesës.
Shkaqet ekzakte të sëmundjes së Alzheimer-it nuk janë ende të njohura, por në thelb qëndrojnë probleme të proteinave të trurit, të cilat nuk kryejnë funksionin e tyre dhe çrregullojnë funksionimin e neuroneve duke shkaktuar një sërë eventesh toksike.
Neuronet dëmtohen, humbasin lidhjet mes tyre dhe vdesin. Dëmtimi nis kryesisht në zonën e trurit që kontrollon kujtesën, por proçesi nis vite para shfaqjes së simptomave.
Përgatiti:
