Kanali YouTube PhoneBuff krahasoi iPhone 14 Plus dhe Nothing Phone të ri (2) në shpejtësinë e lançimit të aplikacioneve të ndryshme.
Youtubersat përdorën një krah robotik për të arritur një krahasim më të saktë, duke eliminuar ndikimin e faktorit njerëzor. Telefonat inteligjentë përdornin vazhdimisht një sërë aplikacionesh dhe lojërash, me Nothing Phone (2) që performonte pak më mirë se iPhone 14 Plus më i shtrenjtë në këtë krahasim.
PhoneBuff beson se konkurrenti kryesor i Nothing Phone (2) është telefoni iPhone 14 Plus, andaj i kanë krahasuar dy modelet, me çmimin e ri të Nothing që në treg fillon me 649 euro, ndërsa modeli në video që është përdorur për këtë test është Phone (2) 12+256 GB çmimi i të cilit është 729 euro.
Mundesh me e lexu edhe…
Nga ana tjetër, iPhone 14 Plus tashmë ka një vit që është vënë në treg nga Apple, i cili aktualisht mund të blihet me një çmim të rregullt prej rreth 1290 euro, përkatësisht modeli 128 GB i përdorur në test. Pra diferenca e çmimeve në tregun europian është më e madhe se në tregun amerikan, shkruan Katror.info.
Nothing Phone (2) e përfundoi këtë test i pari, me një kohë 2:50, dhe iPhone gjashtë sekonda më vonë. Në jetën reale, një ndryshim i tillë ndoshta nuk është i dukshëm, por tregon se inxhinierët e markës relativisht të re Nothing bënë një punë të mirë me pajisjen.
Është gjithashtu e rëndësishme të përmendet se Nothing Phone (2) përdor një procesor Snapdragon 8 Plus Gen 1, i cili dikur konsiderohej si flamurtar, të cilin status tani e ka Snapdragon 8 Gen 2. Megjithatë, edhe me atë çipin më të vjetër, ai arriti të fitojë këtë test shpejtësie.
Çipi që fuqizon iPhone 14 Plus është A15 Bionic i vetë Apple. Duhet të theksohet se pajisja Nothing ka dy herë më shumë RAM: 12 GB kundrejt 6 GB për iPhone 14 Plus. Në të kaluarën, falë optimizimeve që sjell iOS, iPhone-ët pothuajse gjithmonë kanë mposhtur konkurrentët e tyre kryesorë Android, pavarësisht nga RAM-i.
“Të fitosh teste të tilla shpejtësie kundër iOS është një arritje e vërtetë”, “U befasova vërtet nga performanca e Nothing Phone 2. Para se të shikoja videon mendova se do të fitonte iPhone 14 plus”, “Performanca shumë mbresëlënëse e Nothing Phone 2 që është më i lirë se iPhone 14 Plus”, janë disa nga komentet poshtë videos./Katror.info
Përgatiti:
