Iniciativa CorrWatch ka shprehur shqetësim për emërimin e Drejtorit të Përgjithshëm të Drejtorisë së Përgjithshme të Akreditimit, Irfan Lipovica, në kuadër të Ministrisë së Industrisë, Ndërmarrësise dhe Tregtisë (MINT), duke e cilësuar procesin si të parregullt dhe të kundërligjshëm. Organizata ka kërkuar anulimin e menjëhershëm të këtij emërimi, shkruan Katror.info.
Sipas CorrWatch, MINT ka shkelur Ligjin për Zyrtarët Publikë, pasi ka përshirë në listën e ngushtë kandidatë që nuk i kanë plotësuar kriteret e konkursit, veçanërisht ato të përvojës së punës në pozita drejtuese. Organizata thekson se nga dy kandidatët e verifikuar paraprakisht, vetëm njëri kishte plotësuar kushtet ligjore. Megjithatë, procesi nuk u anulua dhe të dy kandidatët u shpallën fitues për të kaluar në fazën finale të emërimit.
CorrWatch kishte reaguar publikisht edhe më 26 nëntor 2024, duke kërkuar rishqyrtimin e procesit. Pavarësisht shqetësimeve të ngritura dhe shkeljeve të evidentuara, Qeveria sot ka emërur njërin nga kandidatët, duke legjitimuar një proces të parregullt dhe të paligjshëm.
Mundesh me e lexu edhe…
Organizata thekson se ky emërim shkel parimet e integritetit dhe meritokracisë në administratën publike dhe bën thirrje për reflektim dhe marrje përgjegjësie institucionale. CorrWatch kërkon anulimin e menjëhershëm të emërimit dhe respektimin e procedurave ligjore për garantimin e një procesi transparent dhe të drejtë./Katror.info
Përgatiti:
