David Beckham është nderuar zyrtarisht me titullin fisnik “Sir” nga Mbreti Charles III, duke u bërë një nga figurat më të respektuara në botën e sportit britanik.
Futbollisti legjendar 50-vjeçar mori këtë njohje për kontributin e tij të jashtëzakonshëm, si në fushën sportive ashtu edhe në aktivitetet humanitare, në kuadër të listës së nderimeve të ditëlindjes së mbretit.
Përveç Beckhamit, tituj fisnikë u dhanë edhe për aktorin me Oscar, Gary Oldman, dhe këngëtarin legjendar të grupit “The Who”, Roger Daltrey.
Mundesh me e lexu edhe…
Tashmë, Beckham do të njihet me emrin “Sir David Beckham”, ndërsa bashkëshortja e tij, Victoria Beckham, stiliste dhe artiste, do të mbajë titullin “Lady Victoria Beckham”.
Në një deklaratë emocionuese, Beckham u shpreh: “U rrita në Lindje të Londrës, mes prindërve dhe gjyshërve shumë patriotë dhe krenarë për britanikët që ishin. Nuk e kam menduar kurrë se do të merrja një nderim kaq të madh.”
Ai vlerësoi rolin e tij si kapiten i kombëtares angleze, duke e quajtur këtë përvojë “privilegjin më të madh të karrierës”. Beckham theksoi edhe punën e tij jashtë fushës, duke qenë ambasador i UNICEF-it që nga viti 2005 dhe, së fundmi, ambasador i Fondacionit të Mbretit që nga viti 2024.
“Jam me fat që kam mundësinë të ndihmoj komunitetet në nevojë dhe të inspiroj brezin e ri. Ky është një moment shumë emocional për mua dhe familjen time.”
David Beckham, i cili ka fituar tituj kampion në katër vende të ndryshme dhe ka mbajtur 115 paraqitje me Anglinë (59 si kapiten), vazhdon të jetë një ikonë për shumë breza dhe tani nderohet edhe me titullin fisnik të kurorës britanike./Katror.info
