E përditësuar 11:30
Dështoi edhe vazhdimi i 29-të i seancës konstituive të Kuvendit të Kosovës, raporton Ekonomia Online.
Filloi njëjtë sikurse herët e kaluara: tentim i Lëvizjes Vetëvendosje për krijimin e një komisioni ad-hoc për votim të fshehtë.
Mundesh me e lexu edhe…
Kryesuesi e seancës konstituive Avni Dehari kërkoi nga PDK-ja, LDK-ja, AAK-ja, Nisma dhe Lista Serbe që të bëjnë propozimet e kandidatëve të tyre për komision, por këto parti nuk pranuan dhe nuk morën pjesë në votim.
53 deputetë votuan për, asnjë kundër dhe asnjë abstenim.
Dehari ndërpreu seancën dhe bëri të ditur se vazhdimi i saj të jetë më 11 qershor, në orën 11:00.
***
Deputetët mblidhen sot për përpjekjen e 29-të të konstituimit të Kuvendit
Deputetët e zgjedhur të Kuvendit të Kosovës do të mblidhen sërish sot, me fillim nga ora 11:00, në një tjetër përpjekje për konstituimin e Legjislaturës së nëntë. Kjo do të jetë tentativa e 29-të për të zhbllokuar procesin parlamentar që ka stagnuar për javë të tëra.
Mbledhja vjen pas dështimit të radhës të shtunën, kur kryesuesi i seancës, Avni Dehari, përsëriti thirrjen ndaj subjekteve politike parlamentare që nuk kanë propozuar ende anëtarë për komisionin zgjedhor, të nevojshëm për votimin e fshehtë të kryetarit të Kuvendit. Edhe kësaj radhe, thirrja nuk gjeti përgjigje.
Megjithatë, për përbërjen e komisionit zgjedhor, me emrat e propozuar në vazhdimet e mëparshme, votuan 48 deputetë, ndërkohë që nuk pati as vota kundër e as abstenime./Katror.info
