Mes pishave dhe maleve, larg zhurmës së përditshme, nga 5 deri më 10 qershor 2025, bregdeti i Shëngjinit do të jetë nikoqir i Unum Festival, i cili këtë vit sjell një line-up të jashtëzakonshëm si kurrë më parë. Për pesë ditë e netë radhazi, me një përzierje të fuqishme ritmesh, mbi 90 artistë të njohur nga mbarë bota do të krijojnë një atmosferë unike.
Në edicionin e vitit 2025, festivali që nuk ndalet 24/7 do të mirëpresë legjendat më të mëdha të muzikës elektronike në tre skena magjike, të gjitha në një destinacion të vetëm – plazhin e Ranës së Hedhun.
Pine Stage – zemra e UNUM-it, ku muzika vazhdon pandërprerë për pesë ditë e pesë netë.
Mundesh me e lexu edhe…
Beach Stage – një kombinim perfekt mes tingujve dhe valëve, ku muzika shkrihet me natyrën.
Main Stage – epiqendra e natës, ku performojnë artistët më të mëdhenj të skenës botërore.
Këtë vit, për herë të parë në UNUM Festival, vjen BLACK COFFEE, DJ-i më i mirë në botë për vitin 2024, sipas Golden Moon Awards. Ai do të hapë Main Stage në natën e parë të festivalit, të enjten më 5 qershor, duke sjellë një performancë të paharrueshme.
Shëngjini pritet të përjetojë një fluks të jashtëzakonshëm vizitorësh, veçanërisht natën e parë, ku dy skena do të jenë aktive:
Main Stage – BLACK COFFEE dhe SETH TROXLER do të ndezin atmosferën.
Pine Stage – performanca nga Sonja Moonear dhe artistë të tjerë të njohur.
Në mesin e artistëve që do të ngjiten në skenën kryesore të këtij festivali janë emra të mëdhenj si BEDOUIN, DIXON, SETH TROXLER, CARLITA, AME LIVE, RHADOO, tINI, DAMIAN LAZARUS dhe shumë të tjerë. Pritet që mbi 30,000 vizitorë t’i bashkohen këtij eventi spektakolar, duke e bërë UNUM Festivalin një nga ngjarjet më të mëdha muzikore të vitit në rajon. /Katror.info
Përgatiti:
