Në natën finale të Këngës Magjike, prezantuesi Ardit Gjerbrea ka zbuluar befasinë e radhës. Njëri nga konkurrentët ndërkombëtarë, Jordan Coleman, është djali kryetarit të bashkisë së Nju Jorkut, Eric Adams. Për publikun shqiptar ai është njohur si Jayoo, reperi që këndoi këngën “Itsy Bitsy”.
Vetë kryetari i bashkisë së Nju Jorkut, Eric Adams në një videothirrje me festivalin, ka disa fjalë dhe jo vetëm, por edhe një veprim domethënës, shkruan Klan TV.
“Ju falënderoj dhe e di që në Nju Jork kemi një komunitet të madh shqiptar, ata kanë qenë gjithmonë mbështetës, më kanë mbështetur mua dhe sot djalin tim, kam edhe gëzimin e një prindi. Dua të falënderoj komunitetin shqiptar për çdo gjë që kanë bërë për këtë qytet të mrekullueshëm që quhet Nju Jork. Janë kaq shumë shqiptarë këtu. Ju falenderoj!,” ka thënë Adams./Katror.info
Mundesh me e lexu edhe…
Përgatiti:
