Dokumentari ‘bombë’ i Princit Harry dhe Meghan Markle për Netflix ka mposhtur disa konkurrentë të ashpër për t’u emëruar si seria televizive më e shikuar e vitit në Mbretërinë e Bashkuar.
Dokumentari me gjashtë episode u publikuan në dy pjesë dhe panë Dukën dhe Dukeshën e Sussex-it të diskutojnë për ngacmimet gjatë thirrjeve të shtypit të organizuara nga pallati, paragjykimet e pavetëdijshme dhe jetën e tyre që nga largimi nga Anglia.
Episodi i parë, i cili tregoi historinë e miqësisë së çiftit mbretëror, u shikua nga mesatarisht 4.5 milionë njerëz në javën e parë.
Mundesh me e lexu edhe…
Në krahasim, episodi premierë i serialit të ri të “The Crown” arriti mesatarisht 2.8 milionë njerëz.
Dokumentari i Harryt dhe Meghanit gjithashtu konkurroi publikimet e tjera të mëdha të Netflix, duke përfshirë “Stranger Things” (3.9 milionë) dhe “Bridgerton” (3.4 milionë).
Shifrat e shikueshmërisë, të cilat u publikuan nga organizata kërkimore e audiencës Barb, tregojnë gjithashtu se si Meghan dhe Harry dominonin shfaqjet në Disney+ dhe Amazon Prime Video.
Episodi i parë i “Star Wars Obi-Wan Kenobi” ishte shfaqja më e ndjekur në Disney+ me një audiencë prej 3.1 milionë njerëz në shtatë ditët pas publikimit të tij në maj.
“Lord Of The Rings: The Rings Of Power” ishte shfaqja më e shikuar në Amazon Prime Video, duke tërhequr një audiencë prej 3.2 milionë për episodin e tij të parë.
“Meghan & Harry”, me regji të Liz Garbus, është projekti i parë që doli nga marrëveshja shumëvjeçare që çifti nënshkroi me Netflix pasi u larguan nga anëtarët e familjes mbretërore në vitin 2020. Marrëveshja mendohet të jetë rreth 100 milionë dollarë.
Në fillim të kësaj jave, dyshja paralajmëruan serinë e tyre të fundit në Netflix, e cila do të publikohet në fund të muajit.
Ata do të prezantojnë dhe janë producentët ekzekutivë të një shfaqjeje të quajtur “Live to Lead” – një seri dokumentare që është frymëzuar nga trashëgimia e Nelson Mandelës.
Sipas Netflix, seriali, i cili do të publikohet më 31 dhjetor, do të shohë liderët dhe aktivistët “të reflektojnë mbi trashëgiminë e tyre dhe të ndajnë mesazhe guximi, dhembshurie, përulësie, shprese”.
Shfaqja është prodhuar në një bashkëpunim midis Fondacionit Nelson Mandela, Blackwell & Ruth si dhe Harry dhe Meghan’s Archewell Productions.
Një ‘trailer’ për serialin tregon Harry duke shpjeguar: “Kjo u frymëzua nga Nelson Mandela, i cili dikur tha se ajo që ka rëndësi në jetë nuk është thjesht fakti që ne kemi jetuar”./Katror.info
Përgatiti:
