Në një botë ku lidhjet e gjata të yjeve janë të rralla, Dolly Parton dhe bashkëshorti i saj Carl Dean janë një histori suksesi. Çifti është i martuar që prej vitit 1966 dhe kanë ruajtur një marrëdhënie të fortë dhe të qëndrueshme, pavarësisht dallimeve të tyre dhe presionit të famës.
Së fundmi, Dolly ndau detaje përse Carl refuzon të marrë pjesë në eventet publike me të. Në një intervistë në podcast-in Dumb Blonde, këngëtarja rrëfeu një moment nga fillimet e martesës së tyre. Në vitin 1967, ajo e bindi burrin e saj që ta shoqëronte në ceremoninë e ndarjes së çmimeve BMI, ku ajo ishte nominuar për Këngën e Vitit. Carl pranoi dhe veshi një smoking të marrë me qira, por pas asaj mbrëmjeje, i tha se nuk donte më të merrte pjesë në evente të tilla.
“Ai më tha: ‘Mos më kërko kurrë më të vij, sepse nuk ndihem mirë.’ Dhe ai nuk ka ardhur më asnjëherë,” kujtoi Dolly.
Mundesh me e lexu edhe…
Ky vendim nuk e habiti këngëtaren, pasi Carl, ndonëse e do muzikën, kurrë nuk ka pasur dëshirë të jetë në qendër të vëmendjes.
“Ai e bëri të qartë që në fillim se nuk ishte i interesuar për famën,” shtoi ajo.
Pavarësisht ndryshimeve të tyre, Dolly është e zhurmshme dhe energjike, ndërsa Carl i qetë dhe i rezervuar, çifti ka gjetur balancën ideale. Ata përdorin humorin për të kaluar çdo tension dhe kanë arritur të shmangin zënkat e mëdha gjatë gjithë martesës së tyre.
Historia e tyre nisi në vitin 1964 në një lavanderi në Nashville, kur Dolly ishte 18 vjeç dhe Carl 21. Ai e pa rastësisht dhe i bërtiti nga kamionçina e tij, një moment që shënoi fillimin e dashurisë së tyre të qëndrueshme. Sot, pas më shumë se pesë dekadash martesë, ata ruajnë një lidhje të gjallë. Dolly vazhdon të kujdeset për pamjen e saj për burrin, duke thënë se dëshiron të jetë po aq e kuruar në shtëpi sa edhe në publik. Martesa e tyre është dëshmi se dashuria dhe respekti i ndërsjellë mund të sfidojnë kohën./TAR
Përgatiti:
