Aktorja, Drew Barrymore, ka thënë se para se të bëhej nënë ishte më egoiste, por se ajo e preferon më shumë personalitetin e saj pas lindjes së fëmijëve.
Aktorja 50-vjeçare, e kthyer tashmë në moderatore televizive, është nënë e vajzave Olive, 12 vjeçe, dhe Frankie, 10 vjeçe, të cilat i ka me ish-bashkëshortin Will Kopelman. Ajo e përshkruan mëmësinë si një përvojë gjithëpërfshirëse, por gjithsesi më të vlefshme për të, transmeton Koha.net.
“Ende nuk jam rikthyer te vetja. Dhe nuk e di nëse ndonjëherë do të rikthehem te personi i shkujdesur dhe egoist që isha para fëmijëve. Nuk mund ta harroj më këtë dashuri dhe kujdes që kam për dy vajzat e mia. Është diçka që të pushton tërësisht. Po përpiqem të pranoj versionin e ri të vetes. Dhe e preferoj këtë version. Jam shumë më e aftë. Më e admirueshme se ç’kam qenë ndonjëherë”, ka shkruar Barrymore në një përgjigje për një adhurues në UsWeekly.
Mundesh me e lexu edhe…
Pavarësisht kësaj, ylli i filmit “Never Been Kissed”, ka theksuar se si prindërimi, ashtu edhe të qenit pa fëmijë, janë rrugë të vlefshme në jetë.
“Qoftë ‘mëmësia’ apo ‘alternativa tjetër’, të dyja duhet të konsiderohen rrugë të plota drejt përmbushjes. Dhe secila prej tyre duhet të na ndihmojë të bëhemi versione më të mira të vetes. Mendoj se kjo kërkon kohë. Maturia ka shumë ndikim. Koha është mësuesja më e mirë”, ka thënë tutje ajo.
Ndër të tjera, aktorja ka ndarë edhe këshilla për planifikimin e një pushimi familjar që kënaq të gjithë anëtarët e familjes.
“Nëse një anëtar i familjes preferon të pushojë, të mos bëjë plane dhe të rrijë gjithë ditën i shtrirë … lëreni ta bëjë! Dhe nëse të tjerët janë më aktivë dhe duan të eksplorojnë vendin, duhet të krijoni dy agjenda të ndryshme”, ka thënë Barrymore.
Ajo ka folur tutje përmbajtjen e agjendave dhe udhëzimet për realizimin e planeve.
“Njëra është ‘Agjenda e të shkujdesurve’ – i lini ata të vendosin vetë! Dhe gjithmonë i ftoni të bashkohen. Tjetra është për ata që duan të jenë proaktivë – kërkoni restorante, aktivitete, tradita, vende të veçanta apo sugjerime jashtë itinerarit tipik turistik. Mund t’i mblidhni nga kërkimet në Google, revista, apo miq që kanë qenë atje më parë”, ka thënë ylli. /Katror.info
Përgatiti:
