“Houdini” quhet kënga e re që ka lansuar këngëtarja me origjinë kosovare Dua Lipa, kënga e parë që ka publikuar nga albumi i saj i ri, i treti më radhë që do të publikohet në vitin 2024.
Kosovarja e ka publikuar këngën në Instagram duke thënë se ka pasur shumë vështirësi deri në publikim. Megjithatë, ajo ka thënë se ia kanë vlejtur të gjitha vështirësitë dhe se shpreson që fansat do ta pëlqejnë.
Kanga duket se po pëlqehet mjaft shumë nga fansat, pasi që ende pa mbushur 24 orë, kanga ka arritur t’i mbledh mbi 6 milionë shikime.
Mundesh me e lexu edhe…
Kënga që u ngjan melodive të viteve 80 është bashkëshkruar nga ylli i muzikës elektronike Kevin Parker.
Ndër të tjera, “Houdini” është një paralajmërues i asaj që duhet pritur në albumin e ardhshëm të Lipës.
28-vjeçarja që ka fituar tre çmime Grammy pas lansimit të albumit “Future Nostalgia” në vitin 2020 dhe turneut pasues, u mor me projekte të tjera. Ajo bëri një këngë me këngëtarin e mirënjohur Elton John dhe pushtoi toplistat duke qëndruar në vendin e parë. Më pas ajo bëri edhe kolonën zanore të filmit “Barbie”, “Dance The Night Away”./Katror.info
Përgatiti:
