EA Sports u ka ofruar lojtarëve një shikim të parë të pamjes së video-lojës F1 25, e cila është zyrtarja për kampionatin e Formula 1 për vitin 2025, dhe janë njoftuar disa përmirësime dhe përmbajtje shtesë për ata që do të blejnë edicionin special F1 25 Iconic Edition.
Në qendër të vëmendjes është edicioni i fundit i modit story, Braking Point, në të cilin ekipi Konnersport lufton për tituj, ndërsa një ngjarje dramatike e çon atë në kaos. Braking Point vjen me disa mundësi të vështirësisë. Adrenalina në pistë është edhe më e madhe për shkak të filmit të ardhshëm “F1”, në të cilin luan aktori i Hollivudit, Brad Pitt, dhe që do të shfaqet në kinema në muajin qershor. Ata që do të bëjnë paraprakisht porosi për F1 25 Iconic Edition do të mund të përjetojnë kapitujt e lojës të frymëzuar nga filmi dhe ekipi APXGP.
Blersit e edicionit F1 25 Iconic Edition do të marrin përmbajtje shtesë, përfshirë liveritë e vitit 2025 për t’i përdorur në video-lojën F1 24, si dhe tre ditë qasje të hershme.
Mundesh me e lexu edhe…
Modi i njohur i lojës, My Team, sjell ndryshime të mëdha, kështu që lojtarët do të marrin vendime si pronarë të ekipeve të Formula 1. Ata do të mund të provojnë përgjegjësitë e reja para se të ngjiten në kokpitin e bolidit si pilotë.
F1 25 sjell novacione në pistë falë fuqisë së motorit EGO. Autenticiteti i pistave është mundësuar përmes përdorimit të teknologjisë LiDAR, dhe disa pista dhe mjedise të tyre duken më realiste. Më shumë detaje mbi gameplay dhe novacionet do të zbulohen në serinë F1 25 Deep Dive.
Ndërkohë që Formula 1 feston 75-vjetorin e saj, lojtarët do të mund të përballen me ekipe të ndryshuara, dhe ndryshimi më i madh është padyshim kalimi i kampionit shtatë herë të botës, Lewis Hamilton, nga Mercedes në Ferrari.
Video-loja është zhvilluar nga Codemasters dhe do të jetë e disponueshme nga 30 maji për PlayStation 5 dhe Xbox Series X/S, si dhe për PC.
Përgatiti:
