ECMI Kosova ka lansuar Skemën e Mikro-Granteve si pjesë e projektit “Fuqizimi i Qeverisjes së Migrimit dhe Kapaciteteve të Shoqërisë Civile në Kosovë”, me mbështetjen e GIZ Kosova përmes programit “Formësimi i Migrimit të Orientuar nga Zhvillimi (MEG)”, shkruan Katror.info.
Kjo thirrje u drejtohet organizatave të shoqërisë civile (OShC) që angazhohen në mbrojtjen e të drejtave të migrantëve, drejtësinë sociale dhe barazinë gjinore. Organizatat e interesuara ftohen të aplikojnë me projekt-propozime që synojnë përmirësimin e kushteve për punëtorët migrantë, përfshirjen sociale të komuniteteve dhe promovimin e barazisë në shoqëri.
Përmes kësaj skeme, mundësohet aplikimi për grante deri në vlerën e 5,000 eurove, si dhe mbështetje teknike në planifikim dhe menaxhim të projekteve nga vetë ECMI Kosova.
Mundesh me e lexu edhe…
Afati i fundit për aplikim është data 15 gusht 2025. Të gjithë të interesuarit mund të kërkojnë pakon e aplikimit duke dërguar një email në adresën: [email protected], me titull: Kërkesë për Pakon e Aplikimit për Mikro-Grante.
/Katror.info
