“TikTok” u tregua një konkurrent i rrezikshëm i “Instagram”, “Youtube” dhe rrjeteve të tjera sociale dhe shërbimeve video, por edhe “Amazon”.
Popullaritetin dhe ndikimin e “TikTok” mund ta shohim nga numri i kompanive që përpiqen të imitojnë këtë rrjet social, pra shërbimin video.
Youtube dhe Instagram prezantuan gjithashtu videot e tyre të shkurtra, ndërsa Instagram madje u përpoq të ndryshonte të gjithë aplikacionin për të qenë më shumë si platforma kineze, gjë që përdoruesve nuk u pëlqeu.
Mundesh me e lexu edhe...
Por përveç që TikTok merr përdorues nga Facebook, Instagram, dhe YouTube dhe rrjete të tjera të ngjashme, duket se ky rrjet ka kërcënuar edhe Amazon. Duke qenë se markat mund të reklamojnë drejtpërdrejt në TikTok dhe t’u ofrojnë produktet dhe shërbimet e tyre përdoruesve përmes atij rrjeti, ata blejnë më pak përmes Amazon.
Kompania amerikane dëshiron ta ndryshojë këtë, ndaj prezantoi “Inspire”, një “furnim” i ri brenda aplikacionit të saj të blerjeve celulare që do t’u sigurojë përdoruesve një përvojë të re të blerjeve në internet.
Ai seksion do të shfaqë video të shkurtra, por edhe foto të produkteve, si dhe ide për blerje dhe përmbajtje të tjera nga markat. Sigurisht, përdoruesit do të mund të blejnë produkte direkt nga ai seksion i aplikacionit celular Amazon.
Për t’u shfaqur atyre përmbajtje që do të jetë interesante për ta, përdoruesit do të duhet të zgjedhin interesat e tyre kur të aktivizojnë për herë të parë “Inspire”, dhe shfaqja e përmbajtjes do të përshtatet më tej me interesat e përdoruesve më vonë.
Amazon filloi testimin e opsioneve të reja në fillim të vitit të ardhshëm.
Përgatiti:
