Kanë kaluar pothuajse katër vjet nga prezantimi legjendar i Tesla Cybertruck, i cili shënoi testimin e pathyeshmërisë së dritareve të tij. Testimi nuk shkoi mirë dhe ato xhamat e pathyeshëm u thyen. Por kjo nuk i pengoi shumë adhurues të Teslës të rezervonin makinën. Kërkesa ishte aq e madhe, sa pas vetëm një jave nga ajo që media e quajti debakël në prezantim, Tesla regjistroi rreth 250,000 rezervime për Cybertruck.
Që atëherë, dy gjëra në lidhje me këtë kamionçinë kanë qenë konstante – Tesla po vonon fillimin e shitjeve të saj dhe numri i rezervimeve po rritet. Sipas të dhënave të fundit të bazuara në listën e klientëve për Cybertruck, të cilën ata e publikuan në Electrek, numri i rezervimeve mund të ketë kaluar tashmë dy milionë, shkruan Katror.info.
Në faqe, ata thonë se Tesla në përgjithësi merr një numër të madh rezervimesh menjëherë pas prezantimit të modeleve të reja, por me kalimin e kohës porositë ndalën. Ky nuk ishte rasti me këtë kamionçinë dhe disa dyqane Tesla morën qindra porosi në javë për Cybertruck edhe gjatë pandemisë, kështu që në vitin 2021 u tejkalua shifra e një milion porosive paraprake.
Mundesh me e lexu edhe…
Gjithashtu, lidhur me këtë automjet, është interesant fakti se çmimi i tij, si dhe të gjitha opsionet që janë në dispozicion në konfigurime të caktuara, ende nuk dihet dhe duhet të zbulohet kur fillojnë dërgesat e modeleve të para. Do të ketë tre modele në shitje – modeli bazë me një motor dhe dy modele me katër rrota që do të kenë dy ose tre motorë. Adhuruesit e Tesla-s, të cilët ishin ndër të parët që rezervuan ekzemplarët e tyre, kanë pritur prej kohësh fillimin e dërgesave dhe duket se do të marrin porositë e tyre më në fund do në fund të këtij viti ose në fillim të vitit të ardhshëm.
Numri i rezervimeve, duhet theksuar, nuk do të thotë se kaq shumë njerëz do të vendosin ta blejnë atë makinë (për një rezervim duhet të paguani vetëm 100 dollarë, të cilat Tesla do t’i kthejë në rast anulimi të blerjes), por nësë vetëm një e pesta ose një e katërta e njerëzve që kanë bërë një rezervim blejnë një Cybertruck, ky automjet do të bëhet shpejt një nga kamionçinat më të njohur në botë./Katror.info
Përgatiti:
