Veprat e artistëve si Jakup Ferri, Rron Qena, Driton Selmani, Yll Xhaferi dhe Dafinë Vitija do të qëndrojnë në ekspozitën ‘Tiny Realms Under Surreal Tides’ përgjatë një muaji.
Prezantim krejt ndryshe i artit të bukur që vjen nga artistët kosovarë u bë në hapësirat e Pro Real Estate. Kjo kompani sikur edhe për t’i zbukuru ambientet e punës në objektin e saj, po i jep mundësi emrave të mëdhenj te artit pamor të ekspozojnë e pse jo edhe të shesin punime e tyre artistike.
Veprat e artistëve si Jakup Ferri, Rron Qena, Driton Selmani, Yll Xhaferi dhe Dafinë Vitija do të qëndrojnë në ekspozitën ‘Tiny Realms Under Surreal Tides’ përgjatë një muaji duke përçuar te artdashësit kënde të ndryshme të ngjarjeve, historisë e vendit tonë.
Por, jo vetëm kaq. Ky projekt do të kontribuojë 10% të fitimit të secilës vepër në fondacionin Trust Circle Foundation i cili përkrah fëmijët pa kujdes prindëror dhe fëmijët me nevoja të veçanta, si dhe personat që luftojnë me varësinë nga alkooli dhe substancat narkotike, fondacion ky i themeluar nga Krenar Batusha, pronar i Pro Real Estate.
Mundesh me e lexu edhe…
“Qëllimi i ekspozitës ka qenë që me promovu artin edhe kulturën në vendin tonë, edhe me e lidhë me zyrat tona të patundshmërisë, ku klientët tanë mund me i pa këto vepra të artit edhe me i ble për shtëpitë e tyre. Gjithashtu 10 për qind të vlerës së shitjes së pikturës, shkojnë për Fondacionin Trust Circle, i cili është t’u bo shumë mirë dhe është tu u rrit për momentin. Jemi bashku bashkë, njerëz të mirë, energji e mirë,” tha Batusha për Katror Media.
Shndërrimi i hapësirave konvencionale të zyreve në vende ku ekspozohen vepra është pëlqyer nga të gjithë.
“Qëllimi tjetër, gjithashtu shumë i rëndësishëm, është se krejt ekspozita ka rrjedhë si një rezultat rezultat i qëllimit që në të njëjtën kohë domethënë që e vlerësojmë artin edhe e ngrisim edhe industrinë e artit, me pasë edhe një aspekt të humanitetit edhe për me i ndihmu disa çështjeve shoqërore,” thotë kuratorja Rina Gosalci.
Njëri nga artistët pjesëmarrës është, Rron Qena, i cili së fundi përmes pikturave dokumenton se si janë dukur apo edhe si duken sot lagjet e ndryshme të Prishtinës.
“Për mua është mirë, se në fakt unë po jetoj në Bremen dhe sa herë kur po kam shans për me ardhë në Prishtinë, tash Pasi s’po jetoj këtu, po më duket Prishtina edhe më e bukur. Por sa herë po shkoj në Bremen, atëherë po po filloj me pikturu Prishtinën dhe po më duket që një arsyeja e imja për me mbërri me me pikturu Prishtinën, është se po më duket që nuk ka shumë piktorë që e kanë pikturu, domethanë që ka diçka të bukur dhe që është pjesë e jona, e trurit tonë në Prishtinë, ashtu që është mirë me mujt me e rujt pak,” thotë Rron Qena.
“Ideja ka qenë që fillimisht në hapje me i pru pesë prej artistëve që kanë më së shumti ndikim në fushën e artit në Kosovë. Edhe kështu i kemi mbledhë Jakup Ferrin, Rron Qenën, Driton Selmanin, Yll Xhaferrin dhe Dafinë Vitia. Secili është t’u e sjellë një frymë të tyre të artit personal, thotë Syrigana Bilalli nga Pro Real Estate.
Ju që jeni duke bërë marrëveshje të blerjes së patundshmërive në Pro Real Estate, por edhe të tjerët mundeni me i ideuar e pse jo edhe madhështu ambientet e shtëpive apo banesave tuaja me copëzat artistike të piktorëve tanë dhe me blerjen tuaj t’u kontribu edhe në bamirësi përmes fondit Trust Circle Foundation./Katror.info
Përgatiti:
