Një tjetër faqe e artë u shkrua në historinë e futbollit për moshat e reja në Kosovë. Gjenerata U9 (2016) e Elite Sports Kosova u shpall kampione e edicionit të 22-të të turneut ndërkombëtar ‘Europapark 2025’ – një ndër ngjarjet më prestigjioze për grupmoshat e reja në Evropë.
E përbërë nga fëmijë të talentuar nga e gjithë Kosova dhe Maqedonia e Veriut, skuadra e Elite Sports tregoi një rrugëtim të jashtëzakonshëm drejt trofeut, duke mposhtur skuadra të njohura si Karlsruher dhe Freiburg. Përveç teknikës dhe talentit, ekipi dëshmoi edhe një karakter të fortë, duke u bërë shembull frymëzimi për të gjithë të rinjtë.
Finalja solli emocione të mëdha: ndonëse në disavantazh 1-0, djemtë e vegjël shqiptarë arritën një përmbysje spektakolare, duke fituar 3-1 dhe ngritur trofeun mes brohorimave dhe krenarisë së madhe./Telegrafi/Katror.info
