Këta rrathë në mes të shkretëtirës së Sharxhahut janë hektarë të tërë me grurë.
Kjo fermë është pjesë e një nisme të re nga Qeveria e Emirateve të Bashkuara Arabe.
Objektivi është të rritet siguria ushqimore në këtë shtet arab, që importon rreth 90 për qind të ushqimit.
Mundesh me e lexu edhe…
Ferma prej 988 hektarësh është hapur më 2022.
“Shoqërua, në përgjithësi, në Emiratet e Bashkuara Arabe, është bërë më e vetëdijshme dhe më e interesuar për ushqyerje të sigurt dhe të pastër, dhe këtu përfshihen produktet e grurit, për të cilin fermerët filluan të shfaqin interesim. Por, ajo që i dha shtytje kultivimit të grurit ishin problemet me zinxhirët e furnizimit në vitet e fundit, për shkak të pandemisë së COVID-19 dhe luftës Ukrainë-Rusi” – tha Khalifa Alteneiji, kryetar i Departamentit të Bujqësisë.
Ferma nuk përdor pesticide, kimikale dhe fara të modifikuara gjenetikisht dhe pritet të kontribuojë me 1,700 tonë grurë në vit.
Kjo është sasi e vogël krahasuar me nevojat. Por, Qeveria ka plane të rrisë sipërfaqen e fermës.
Sfida më e madhe është sjellja e 18 mijë metrave kub ujë të shkripëzuar në ditë për ujitje. Por, zyrtarët thonë se kostoja energjetike e prodhimit të tij do të ulet me rritjen e projektit.
Emiratet planifikojnë edhe ara eksperimentale me 35 lloje të ndryshme të grurit nga e mbarë bota për të parë përshtatjen e tyre me ujin dhe tokën e emirateve./Katror.info
Përgatiti:
