Xhudistet kosovare, Erza Muminoviq e Flaka Loxha i kërkojnë medaljet e bronzta në Grand Slamin në Abu Dabi.
Për vend të tretë në kategorinë deri 52 kilogramë, Erza Muminoviq do të përballet me francezen Lea Metrot. 22-vjeçarja fitoi ndaj francezes Astride Gneto, ndërsa në gjysmëfinale u ndal nga Khorloodoi Bishrelt, që prezanton Emiratet e Bashkuara Arabe, shkruan Koha.net.
Flaka Loxha po garon në kategorinë deri 57 kilogramë. Për medalje bronzi përballet me Acelya Toprak të Azerbajxhanit.
Mundesh me e lexu edhe…
25-vjeçarja fillimisht fitoi ndaj ruses Natalia Elkina, që paraqitet për IJF-në. Flaka e mposhti rusen me Ippon, njëjtë si brazilianen Sarah Souza. Në gjysmëfinale humbi në kohën shtesë nga gjermanja Seija Ballhaus.
Në Abu Dabi po garojnë 219 xhudistë nga 29 shtete të ndryshme.
Blloku final fillon në ora 15:00.
Përgatiti:
