Federata e Hendbollit të Kosovës (FHK) ka shënuar një ngritje fantastike në garat evropiane. FHK përmes një njoftimi ka bërë të ditur se Federata Evropian e Hendbollit (EHF) sot publikoi vazot për shortin e kualifikimeve për Evropian, ku Kombëtarja e Kosovës në hendboll (femrat), janë vazon e tretë, për herë të parë në histori.
”Për herë të parë në histori Kombëtarja jonë është në vazon e tretë në fazën kryesore të kualifikimeve.
Prapa në ranglistë kemi lënë Kombëtaren e Izraelit, Finlandës, Luksemburgut, Bosnjë-Hercegovinës, Letonisë, Azerbajxhanit e Bullgarisë”, thuhet në njoftim.
Mundesh me e lexu edhe…
FHK përmes këtij njoftimi ka thënë se do të formohen tetë grupe kualifikuese, njëra prej tyre me tri ekipe kombëtare. Dy të parët në secilin grup kualifikohen në Evropian, ndërsa biletën e sigurojnë edhe katër prej tetë kombëtareve më të mira të pozitës së tretë.
”Përmes vendit të tretë do ta synojmë Evropianin e ardhshëm, ndërsa shumë do të varet nga shorti që tërhiqet më 20 prill në Cyrih”, thuhet më tej në këtë deklaratë
Ndeshjet e para kualifikuese luhen më 11/12 tetor të këtij viti, ndërsa të fundit më 7 prill të vitit të ardhshëm”, thuhet në njoftimin e FHK-së. /Katror.info
Përgatiti:
