Mbrëmë nisi në Korçë Festa e Birrës 2023.
Ministri i Mbrojtjes, Niko Peleshi dhe njëherësh drejtues poltik i PS në qarkun e Korçës, ndau sot në rrjetet sociale pamje nga nata e parë e kësaj feste.
“Superatmosferë në natën e parë të “Festës së birrës” që startoi mbrëmë në Korçë! Mbi 10 mijë vizitorë ishin mysafirë të kësaj nate dhe disa-fish më shumë priten në 4 netët në vijim! Një ftesë për të qytetarët të shijojnë muzikën dhe produktet tradicionale të Korçës!”, u shpreh Peleshi
Mundesh me e lexu edhe…
Bashkia Korçë ka bërë publike prej ditësh, rregullat mbi të cilat funksionon pjesëmarrja në Festën e Birrës 2023.
Do të jenë gjithsej 222 tavolina në zonën me rezervime, përballë skenës ku artistët do të performojnë. Në këtë zonë do të ofrohet shërbim në tavolinë, ndërsa ata që nuk preferojnë të rezervojnë tavolinë, do të kenë në dispozicion gjithë hapësirën tjetër që do të jetë falas.
Hyrja për në koncertet e datave 16 dhe 17 do të jetë falas, ndërsa për tri netët e tjera do të shiten bileta. Fëmijët deri në 14 vjeç do të mund të shkojnë me prindërit pa paguar.
Edicioni i 17-të i eventit më të madh dhe më popullor i stinës së verës në Shqipëri do të zhvillohet nga data 16-20 gusht tek Terminali i Autobusëve në Korçë.
5 netë elektrizuese me muzikë fantastike e këngëtarët më në zë shqiptarë si Elvana Gjata, Ylli Limani, Eugent Bushpepa, Endri e Stefi Prifti etj, që do të ngrenë peshë skenën.
Gjithashtu do të ketë dhe momente “retro” me muzikë të viteve ‘90 me grupet “No Mercy”, “La Bouche”, si dhe yjet e muzikës greke Despina Vandi dhe Keti Garbi që do të sjellin për mijëra vizitorë të festës nga brenda e jashtë vendit emocione dhe një spektakël të vërtetë./atsh/Katror.info
Përgatiti:
