Federata e Futbollit e Kosovës ka përzgjedhur sot në një gala mbrëmje ata që lanë gjurmë në vitin 2023 në futboll.
Anëtari i Ballkanit, Lumbardh Dellova është zgjedhur futbollisti më i mirë i vitit 2023.
Dellova ishte ndër më të mirët në suksesin e Ballkanit, ku arriti të shpallet kampion dhe gjithashtu dha dorë të madhe në kualifikimin e skuadrës suharekase në fazën e grupeve të Ligës së Konferencës, u tha në gala mbrëmjen e Federatës së Futbollit të Kosovës “Laureatët 2023”.
Mundesh me e lexu edhe…
Tajneri i Ballkanit, Ilir Daja, është shpallur trajner i vitit nga Federata e Futbollit e Kosovës.
Daja e ka udhëhequr Ballkanin drejt titullit të kampionit, ndërsa me Ballkanin është paraqitur edhe në fazën grupore të Ligës së Konferencës.
“Ndihem i nderuar, do ta ndajë këtë titull me lojtarët e mi, presidentin Arsim Kabashi dhe bashkëpunëtoër e mi. Do ta ndajë me të gjithë trajnerët e Kosovës. Jam njëri mes jush, të gjithë japim kontribut për rritjen e futbollit të Kosovës”, ka thënë Daja.
Kapiteni i Kosovës Amir Rrahmani, e ka fituar çmimin “Fadil Vokrri” nga Federata e Futbollit të Kosovës.
Ky çmim ndahet për suksesin e arritur nga futbollistët me klubet e tyre. Rrahmani, u shpall kampion me Napolin në Serie A, pas 33 vjetësh. Kontributi i kapitenit të “Dardanëve” ishte shumë i madh në suksesin e napolitanëve.
Albion Rrahmani, e ka ‘rrëmbyer’ çmimin e golashënuesit më të mirë të Superligës për vitin 2023.
Rrahmani, arriti që brenda një sezoni ka arritur që t’i shënojë 14 gola. Ai nga vjeshta e këtij viti, është pjesë e klubit rumun Cluj. Ish-futbollisti i Ballkanit, aktualisht po rikuperohet nga një lëndim.
Këtë vit FFK ndau një çmim të veçantë siç është “Çmimi i Karrierës”. Ky çmim i dedikohet futbollistëve të cilët kanë pasur karrierë të suksesshme dhe të cilët kanë dhënë kontribut në futboll. E ky çmim i takoi ish-portierit dhe ish-kapitenit të Kombëtares, Samir Ujkani, i cili sivjet u pensionua nga futbolli aktiv.
Përtej sukseseve nëpër klube ku ka luajtur ndër vite, Samir Ujkani është ndër të parët i cili i është bashkuar kombëtares së Kosovës. Ndikimi i tij në ekipin dardan ishte i jashtëzakonshëm. Kontribut të madh, vetëm se tani në një form tjetër, presim që ai të jap edhe në pozitën e re, si zëvendës drejtor i Kombëtares së Kosovës.
Çmimin për Samir Ujkanin e ndau ish-kryetari i FFK-së, Sabri Hashani. Ai pas marrjes së këtij çmimi u shpreh falënderus ndaj FFK-së dhe krenar që i ka shërbyer vendit.
“Ndjej emocione por edhe kur shikoj karrierën time. Jam 10 vjet që jam bashkuar me Kombëtaren e Kosovës, Kemi pasur moment shumë të vështira, por edhe momente që kanë qenë të paharrueshme. Falënderoj familjen time, bashkëlojtarët e mi dhe të gjithë ata që më kanë përkrahur. Shpresoj të jap kontributin tim edhe nga pozicioni i ri dhe të arrijmë suksese së bashku”, ka theksuar Ujkani.
Feride Kastrati, futbollistja më e mirë për vitin 2023. Çmimi i futbollistes më të mirë për këtë vit, i ka takon Feride Kastratit, nga klubi EP Hajvalia.
Po ashtu, FFK ka ndarë çmim edhe për Shpresat e vitit.
Për 2023-tën ky çmim i takon Anita Krasniqi.
Visar Kastrati është shpallur gjyqtari më i mirë për vitin 2023.
Ballkani dominon 11-shen më të mirë për vitin 2023
Është zbuluar 11-shja më e mirë për vitin 2023, në gala mbrëmjen e Federatës së Futbollit të Kosovës “Laureatët 2023”.
Enea Koliqi, Ilir Krasniqi, Armend Thaqi, Lorenc Trashi, Lumbardh Dellova, Qëndrim Zyba, Rron Broja, Nazmi Gripshi, Drilon Hazrollaj, Muhamet Hyseni dhe Jalen Blesa./Katror.info
Përgatiti:
