The Best FIFA Football Awards vlerësojnë çdo vit lojtarët më të mirë në sportin më të dashur në botë. Eventi përfaqëson nderin më të lartë të futbollit për trajnerët dhe lojtarët, por është edhe një festë ku tifozët luajnë një rol aktiv e thelbësor. The Best FIFA Football Awards, që nisën në vitin 2016, shënuan një epokë të re në kurorëzimin e figurave kryesore në futbollin botëror. Këtë vit fituesit e kategorive të ndryshme do të zbulohen në ceremoninë e ndarjes së çmimeve më 27 shkurt në Paris. Faqja zyrtare e FIFA-s zbulon emrat e finalistëve:
TRAJNERI MË I MIRË
Carlo Ancelotti, Pep Guardiola dhe Lionel Scaloni janë tre finalistët për çmimin “The Best FIFA Men’s Coach 2022”. Ata janë përzgjedhur nga një juri ndërkombëtare. Ajo është formuar nga trajnerë, kapitenë të ekipeve kombëtare, gazetarë dhe tifozë që kanë votuar në faqen zyrtare të FIFA-s.
Mundesh me e lexu edhe…
PORTIERI MË I MIRË
Yassine Bounou (portieri i Marokut), Thibaut Courtois (fituesi i kampionëve me Realin) dhe Emiliano Martinez (kampion bote me Argjentinën) janë shpallur si tre finalistët për Çmimin e Portierit më të Mirë të FIFA-s 2022.
LOJTARI MË I MIRË
Janë përcaktuar edhe tre finalistët e nominuar për të pasuar Robert Lewandowski. Fituesi i dy edicioneve të fundit, Karim Benzema do të sfidohet me Kylian Mbappé dhe Lionel Messi.
ÇMIMI PUSKÁS
Për çmimin Puskas, që vlerëson golin më të bukur të vitit janë bërë përzgjedhjet. Marcin Oleksy (Warta Poznan – Stal Rzeszow), Dimitri Payet (Olympique Marseille – PAOK), Richarlison (Brazil – Serbi).
Pse përfaqësuesja e Francës është favoritja e re për të fituar Eurovizionin.
Pak ditë më parë Franca zgjodhi përfaqësuesen e saj në Eurovizion. La Zara do të përfaqësojë Francën në Eurovizionin e 67-të me këngën “Évidemment”.
Kënga “Évidemment” është shkruar nga vetë këngëtarja dhe është punuar nga bashkëpunëtori i saj shumëvjeçar Benny Adams. Dyshja Banx & Ranx, të cilët janë pas hiteve të artistëve si David Guetta, Dua Lipa dhe Ellie Goulding, janë nënshkruar si bashkëproducente.
E lindur në Quebec, me origjinë marokene, La Zara e përshkruan këngën si një këngë të vërtetë franceze për qasjen universale ndaj dashurisë, rëndësinë e dashurisë për veten dhe kërkimin e lumturisë.
Në kanalin zyrtar të Eurovizionit në YouTube, ajo mblodhi më shumë se gjysmë milioni shikime në vetëm pak ditë. Shikuesit janë të kënaqur me këngën e saj. Shumë njerëz shkruajnë në komente se ajo meriton vetëm pikët më të larta (12) dhe se është favorite absolute. Disa e quajnë këngën një kryevepër.
Duke parë kanalin zyrtar në YouTube, përfaqësuesja norvegjeze Alessandra është më e shikuara deri më tani me 1.8 milionë shikime.
Në vend të dytë renditen kroateja Let 3 dhe interpretuesja spanjolle Blanka Paloma me po aq shikime, rreth 1.4 milionë. Vendin e tretë e zuri përfaqësuesi belg Gustav, ndërsa të katërtin La Zara, e cila tashmë ka afër 600 mijë shikime në vetëm tre ditë.
Sipas një sondazhi në faqen e Eurovizionit, Ukraina është favorit, e ndjekur nga Suedia. Franca, e cila iu bashkua garës vetëm një ditë më pas, tashmë është ngjitur në vendin e 11-të.
Franca ka fituar pesë herë Eurovizionin deri më tani, herën e fundit në vitin 1977./Katror.info
Përgatiti:
