Pas një pauze dy vjeçare, Panairi Vjeshtor i Librit në Kolegjin AAB 2022, po merr formë për t’u rikthyer te të apasionuarit e librit, me edicionin e tij të tretë në ambientet e Kolegjit AAB në Prishtinë.
Krahas Panairit të Librit që mbahet pothuajse përvitshëm në qershor, ky festival i librit është një tjetër organizim tejet i nevojshme për komunitetin letrar në Kosovë.
Gjithashtu ky Panair i Librit pati jehonë dhe sukses të madh edhe në dy edicionet e kaluara, ku priti numër të madh të të interesuarve, si shtëpi botues e lexues, por nuk munguan as ngjarje të rëndësishme kulturore e promovime të dhjetëra titujve.
Mundesh me e lexu edhe…
Edicioni i tretë i Panairit Vjeshtor i Librit në Kolegjin AAB për vitin 2022, do të mbahet nga data 13 deri më 15 tetor 2022, ndërsa janë mbi 39 shtëpi botuese të cilat e kanë konfirmuar pjesëmarrjen në këtë edicion.
Pjesë e pandashme e Panairit Vjeshtor të Librit do të jenë edhe ngjarjet kulturore që do të organizohen gjatë kohës sa do të mbahet panairi, si promovime librash, punëtori, orë letrare e takime me shkrimtarë.
Kolegji AAB njoftoi se Panairi Vjeshtor i Librit këtë edicion do të ofrojë çmime të volitshme për të gjithë studentët që do ta vijnë e ta vizitojnë./Katror.info
Përgatiti:
