Filmi i ri i Martin Scorsese “Killers of the Flower Moon” zgjatë tri orë e 26 minuta.
Kjo dramë Uestern në të cilën me role paraqiten: Leonardo DiCaprio, Robert De Niro e Lily Gladstone, tani është në mesin e filmave të Hollivudit që zgjasin më së shumti në kohë moderne. Ai zgjatë për tre minuta më pak se filmi tjetër i Skorsezit “The Irishman”.
Këtë vlerësim e bëri Comscore.
Mundesh me e lexu edhe…
Filmi “The Irishmen” nuk u lansua në kinema gjerë, pasi që ai u caktua që fillimisht të lansohej në Netflix.
E për “Killers of the Flower Moon”, puna qëndron ndryshe. Për të, kompania Apple në bashkëpunim me Paramount do ta mundësojnë lansimin e tij në kinema rreth globit.
Më parë kishte fjalë se ky film do të zgjaste katër orë, që për shumë distributor, kjo do të thotë se ai duhet të ndahet në disa pjesë.
Megjithatë edhe pse i gjatë, ka edhe filma të tjerë që zgjasin shumë por që kanë kryesuar në Box Office. Psh, në pozitën e parë ishte filmi Avatar, i cili zgjatë dy orë e 41 minuta.
Pas tij vjen filmi “Avengers: Endgame”, që zgjatë tri orë e dy minuta.
Filmi tjetër “Avatar: The Way of Water” zgjatë tri orë e 12 minuta, ndërkaq filmi Titanik tri orë e 14 min.
Tashmë dihet se regjisori James Cameron i cili ka bërë regjinë e filmave si Titanik e Avatar, realizon filma të gjatë, e po ashtu njihet edhe Skorsezi, filmi i të cilit në vitin 2013 “The Wolf of Wall Street”, që u nominua për Oskar. Ky film zgjatë tri orë.
Filmi “Killers of the Flower Moon” do të shfaqet premierë në festivalin e filmit në Kanë të Francës muajin e ardhshëm, e më pas do të shfaqet në kinema./Katror.info
Përgatiti:
