Për herë të parë në histori, finalja e Kupës së Botës FIFA do të përfshijë një shfaqje muzikore gjatë pushimit të pjesës së parë, ka konfirmuar presidenti i FIFA-s, Gianni Infantino.
Finalja e turneut të vitit 2026, e cila do të zhvillohet më 19 korrik në stadiumin MetLife në New Jersey, do të sjellë një element të ri spektakli, i organizuar në bashkëpunim me Global Citizen. Në përzgjedhjen e artistëve do të ndihmojë edhe grupi i njohur britanik Coldplay, megjithëse roli i tyre i saktë ende nuk është bërë i qartë. Përvoja e tyre nga performanca në Super Bowl 2016 sugjeron një përfshirje të artistëve të njohur ndërkombëtarisht.
Zakonisht, pushimi mes pjesëve në futboll zgjat 15 minuta, por FIFA ende nuk ka sqaruar nëse kjo kohë do të zgjatet për të mundësuar performancën. Ky është një ndryshim i madh për Kupën e Botës, e cila më parë ka pasur koncerte dhe performanca vetëm para ndeshjeve.
Mundesh me e lexu edhe…
Kupa e Botës 2026 do të jetë gjithashtu turneu më i madh në histori, me një format të ri prej 48 ekipeve dhe gjithsej 104 ndeshje, të zhvilluara në SHBA, Kanada dhe Meksikë./Katror.info
Përgatiti:
