Ti mundesh mos me ditë asnjë gjuhë tjetër përveç asaj amtare, por e din se thënia ‘Një fotografi vlen sa një mijë fjalë,’ është më se e vërtetë. Fotografia mund t’ju sjellë vërtet më afër njerëzve në mbarë botën, pasi imazhet janë një gjuhë universale që çdokush mund ti kuptojë.
Fotografia është mënyrë e mahnitshme për me dokumentu çdo moment të jetës tonë, duke na mundësu që ne të kemi kujtime të momenteve tona të preferume.
Shiko ma poshtë disa prej fotografive ma të famshme që lanë gjurmë në histori:
Mundesh me e lexu edhe…
Fotografia e parë në histori (1826)
Kjo është fotografia e parë që është realizu ndonjëherë nga shkencëtari Nicéphore Niépce.
Dreka në majë të rrokaqiellit (1932)
Ky imazh i punëtorëve që bëjnë pushimin e drekës në majë të një rrokaqielli, sigurisht që ka shtangur gjysmën e botës. Në gjysmën e parë të shekullit të 20, dhjetëra punëtorë vdiqën pas rënieve fatale gjatë ndërtimit të rrokaqiejve të ndryshëm.
‘Puthja’ në Times Square (1945)
Pas Luftës së Dytë Botërore, Alfred Eisenstaedt doli në rrugët e Times Square të New York për të përjetësuar festimet që shënonin fundin e luftës. Kjo është një nga fotot më të famshme të shekullit të 20.
Murgu i djegur (1963)
Murgu Thích Quảng Đức lyhet me benzinë dhe vë veten në zjarr në shenjë proteste ndaj qeverisë Diem të Vietnamit të Jugut. Fotografi i Associated Press ishte në vendin e ngjarjes në atë kohë dhe kapi këtë foto me famë botërore që fitoi edhe çmimin Pulitzer.
‘Si fillon jeta’ (1965)
Kjo është një nga fotot e para të realizuara me endoskop.
Fuqia e luleve (1967)
Bërë më 21 tetor 1967, gjatë marshimit në Pentagon nga Komiteti Kombëtar i Mobilizimit për t’i dhënë fund Luftës në Vietnam.
Astronauti William Anders kap një foto të ‘lindjes’ së tokës (1968)
Vajza afgane (1984)
Kjo fotografi e famshme është bërë në Afganistan në 1984 për të dokumentuar migrimin e refugjatëve afganë. Fotografia e 17-vjeçares Sharbat Gula është bërë në kampin e refugjatëve të Nasir Bagh. Ai u bë simboli i luftës afgane dhe u shfaq në faqen e parë të gazetës National Geographic në qershor 1985.
Njeriu i tankeve (1989)
Foto e famshme e një të riu kinez që qëndronte para tankeve gjatë kryengritjes së Sheshit Tiananmen në Pekin në vitin 1989, e cila u bë nga dritarja e hotelit të fotografit.
Rënia e Murit të Berlinit (1989)
Më 9 nëntor 1989, Partia Komuniste e Berlinit Lindor njoftoi se qytetarët e Gjermanisë Lindore mund të kalonin murin kufitar. Në këtë foto berlinezët perëndimor shohin sesi rojet kufitare gjermano-lindore rrëzojnë një pjesë të murit më 11 nëntor.
Ushtar rus duke luajtur një piano të braktisur në Çeçeni (1994)
Kampi i refugjatëve shqiptarë (1998)
Kjo foto tregon anëtarët e familjes teksa kalojnë refugjatin kosovar Agim Shala, 2 vjeç, përmes një gardhi me tela dhe gjemba në duart e gjyshërve në një kamp në Shqipëri, në mars 1998.
Për një kohë të gjatë, krimet etnike në këtë zonë njiheshin pak dhe në atë kohë mohoheshin rregullisht nga mediat, derisa foto si këto hodhën dritë mbi këto ngjarje.
Bamirësia gjatë zjarreve masive (2009)
Fotografia tregon një person që i jep ujë një Koala-s gjatë zjarreve masive që përfshinë Australinë.
Distancimi social (2020)
Fotografia tregon distancimin social që u bë pjesë e realitetit tonë në vitin 2020. Fotografi Eisele ilustron më së miri se si qytetarët në mbarë globin iu përshtatën jetës gjatë pandemisë COVID-19.
Përgatiti:
