Me ftesë të ushtrisë amerikane, Forca e Sigurisë së Kosovës (FSK) po merr pjesë në ushtrimin fushor ndërkombëtar “Saber Junction 25”, që po zhvillohet në Hohenfels të Gjermanisë.
Ky ushtrim ka për qëllim testimin dhe vlerësimin e gatishmërisë luftarake të njësive të Brigadës së Këmbësorisë dhe njësive të tjera që janë pjesë e rotacionit për misionin e KFOR-it në Kosovë.
FSK po përfaqësohet me një Kompani të Këmbësorisë dhe një skuadër të Materieve të Rrezikshme (CBRN), duke demonstruar profesionalizmin dhe aftësinë për ndërveprim me ushtritë partnere të Shteteve të Bashkuara të Amerikës dhe vendeve aleate.
Mundesh me e lexu edhe…
Pjesëmarrja në këtë ushtrim konsiderohet një mundësi e rëndësishme për ngritjen e kapaciteteve ushtarake të FSK-së, si dhe për forcimin e bashkëpunimit ndërkombëtar në fushën e sigurisë./Katror.info
