Global Engineer Girls (GEG), e promovuar fillimisht si ‘Vajzat Inxhiniere të Turqisë’ (TMK), është njohur ndërkombëtarisht për suksesin e saj gjatë nëntë vjetëve të fundit, pjesë e së cilës është edhe GEG Kosovo. Iniciativa u nderua në kategorinë “Njerëzit” të Çmimit të Partneritetit për Qëndrueshmëri 2024, organizuar nga Kompakti Global i Kombeve të Bashkuara (UNGC).
I projektuar për të rritur pjesëmarrjen e grave në fushat inxhinierike ku përfaqësimi i tyre është tradicionalisht i ulët, iniciativa synon të nxisë punësimin e grave të kualifikuara. Ky çmim prestigjioz nënvizon ndikimin e GEG-ut në avancimin e roleve të grave në sektorin e inxhinierisë dhe kontributin në qëllimet e zhvillimit të qëndrueshëm.
Kjo iniciativë me rritje të shpejtë, e cila ka arritur njohje globale, vazhdon të fuqizojë gratë në inxhinieri, duke zgjeruar gjithashtu shtrirjen e saj për të frymëzuar një audiencë më të madhe. Çmimi është një dëshmi e përpjekjeve të projektit për të forcuar vendin e grave në industrinë e inxhinierisë dhe për të mbështetur zhvillimin e qëndrueshëm në mbarë botën.
Mundesh me e lexu edhe…
Tani, Iniciativa GEG Kosovo sapo ka rekrutuar gjeneratën e 3-të të studentëve në fushat e inxhinierise duke rritur numrin total të studentëve në 67 në Kosovë, ndërsa globalisht kjo iniciativë ka mbi 1400 studente përfituese të programit global.
Këto studente jane perfituese te trajnimeve digjitale, trajnime të tjera profesionale, trajime për: Gjuhën Angleze etj, Bursa, Mentorim, Praktike dhe Mundësi Punësimi.
GEG Kosovo se fundi ka pranuar edhe çmimin nga CSR Network Kosovo “Fuqizimi i gruas” përmes edukimit dhe aftësimit të studenteve vajza ne fushat e inxhinierisë./Katror.info
Përgatiti:
