CEO Sundar Pichai njoftoi se aplikacioni Gemini ka arritur mbi 650 milion përdorues aktivë.
Sipas dokumenteve të mëparshme, Gemini kishte 350 milion përdorues aktivë mujorë në mars 2025, krahasuar me vetëm 90 milion në tetor 2024.
Në fillim të këtij viti, Pichai kishte vendosur si objektiv arritjen e 500 milion përdoruesve deri në fund të 2025.
Mundesh me e lexu edhe…
Të dhënat e sotme i referohen vetëm aplikacionit të pavarur Gemini, i qasshëm në Android, iOS dhe në web.
Në shtator, Google vlerësoi se modeli i gjenerimit dhe editimit të imazheve Nano Banana kishte sjellë 23 milion përdorues të rinj për aplikacionin Gemini dhe Gemini 3 pritet të publikohet më vonë këtë vit.
Ndërkohë, kompania bëri me dije se ka mbi 300 milion abonime me pagesë, kryesisht përmes Google One dhe YouTube Premium.
Në maj, Google One kishte 150 milion abonentë, ndërsa YouTube Premium kishte raportuar 100 milion abonentë në shkurt 2024.
Tremujori i tretë i 2025 shënon gjithashtu tremujorin e parë të Alphabet me të ardhura mbi 100 miliardë dollarë, me një rritje prej 16% krahasuar me të njëjtën periudhë të vitit të kaluar.
Rritje me dy shifra u regjistrua nga Google Search & other, reklamat në YouTube, abonimet Google, platformat dhe pajisjet, si dhe Google Cloud. /AP/Katror.info
