Një varëse diamantesh misterioze që ka mundësi se ka lidhje me skandalin që çoi në rënien e Marie Antoinette, është shitur për 4.8 milionë dollarë në një ankand në Gjenevë.
Gjerdani i shekullit të 18 llogaritej të shitej për 1.8 deri në 2.8 milionë dollarë.
Por, pas ofertimeve ai arriti çmimin mbi 4 milionë.
Mundesh me e lexu edhe…
Besohet se disa prej diamanteve të këtij gjerdani mund të kenë ardhur nga një varëse që lidhej me rënien e Marie Natoinette, anëtare e familjes mbretërore austriake e cila u bë gruaja e Mbretit Louis XVI të Francës.
Skandali përfshiu një grua e cila pretendonte të ishte besnike e mbretëreshës dhe arriti të blinte një gjerdan luksoz me diamantë në emër të saj me premtimin për pagesë të mëvonshme. Ndërsa, mbretëresha më vonë doli e pafajshme për këtë, skandali e thelloi perceptimin se ajo ishte ekstravagante dhe e pakujdesshme në shpenzime, që kontribuoi edhe në shpërthimin e Revolucionit Francez.
Diamantet e gjerdanit origjinal u shitën në ndërkohë pjesë pjesë, prandaj janë thuajse të pamundura për t’u gjurmuar. Megjithatë, ekspertët mendojnë se cilësia dhe vjetërsia e diamanteve në të janë të përbashkëta me ato të Marie Antoinette./Katror.info
Përgatiti:
