Google Play tani i lejon fëmijët të dërgojnë kërkesa për blerje dhe kërkesat mund t’u dërgohen prindërve dhe kujdestarëve.
Ky dyqan aplikacionesh ofron tashmë mjete për të kufizuar blerjet e fëmijëve duke përdorur mënyrën e pagesës së familjes. Por tani ata kanë shtuar një funksion tjetër – Kërkesën për Blerje – i cili do t’i lejojë fëmijës t’i dërgojë një kërkesë për miratim personit që menaxhon llogarinë e përdoruesit të familjes kur mënyra e pagesës nuk është e pranishme.
Fëmijët mund të paraqesin një kërkesë miratimi për një aplikacion me pagesë dhe blerje përmes aplikacionit në rastet kur familja nuk ka vendosur një mënyrë pagese.
Mundesh me e lexu edhe…
Pasi personi që menaxhon llogarinë e familjes të marrë kërkesën, ai mund të përdorë formën e tij të pagesës (përfshirë kartat e dhuratave) për të miratuar kërkesën dhe për të përfunduar blerjen.
Kjo metodë e autorizimit të pagesës funksionon më mirë në situatat kur dëshironi të keni kontroll të plotë mbi shpenzimet e bëra nga fëmija ose familja juaj.
Ofrohet një përmbledhje e të gjitha aplikacioneve dhe blerjeve përmes aplikacioneve me të cilat fëmijët kontaktojnë. Ju mund t’i refuzoni ato që i konsideroni të dëmshme ose të padëshirueshme për çfarëdo arsye.
Google ka prezantuar një sërë ndryshimesh gjatë muajve të fundit për të ofruar një pasqyrë më të mirë të mënyrës sesi fëmijët i përdorin shërbimet e tij.
Muajin e kaluar, ata njoftuan ndryshimet e politikave për Play Store, të cilat do të shtrëngojnë rregullat që përcaktojnë se cilat aplikacione janë të përshtatshme për fëmijët.
Përgatiti:
