Mesfushori shqiptar Granit Xhaka mund të rikthehet në Premierligë pas një periudhe të suksesshme në Bundesliga me Bayer Leverkusen.
Sipas “Sky Sports”, skuadra e rikthyer në elitën e futbollit anglez, Sunderland, ka shfaqur interesim të madh për reprezentuesin shqiptar të Zvicrës dhe tashmë i ka ofruar një kontratë trevjeçare.
Xhaka, i cili ka lënë gjurmë me Arsenalin për shtatë sezone duke zhvilluar 297 ndeshje dhe duke fituar dy FA Cup, mund të rikthehet në ish-kampionatin e tij të dashur.
Mundesh me e lexu edhe…
Sunderland, që kërkon të sigurojë stabilitet në Premierligë, po synon të afrojë emra me përvojë për të ndërtuar një skuadër konkurruese.
Por nuk është vetëm Sunderland në garë. Neom SC, një klub nga Arabia Saudite, ka hyrë fuqishëm në bisedime duke i ofruar Xhakës një pagë vjetore prej 10 milionë eurosh – një ofertë që vështirë të refuzohet.
Ndërkohë, për 32-vjeçarin ka interesim edhe nga klubet e mëdha italiane si Milan, Inter dhe Juventus, që e shohin atë si një lider të mundshëm në mesfushë.
Xhaka iu bashkua Leverkusenit në verën e vitit 2023 dhe ndihmoi klubin të fitonte titullin e parë në historinë e tyre në Bundesliga.
Ai ka edhe tre vite kontratë me “Farmaceutikët”, nga pesë që kishte nënshkruar.
E ardhmja e tij mbetet e hapur, mes një rikthimi emocionues në Angli, një aventure të re luksoze në Lindjen e Mesme, apo një sfide në Serie A. Vendimi i Xhakës pritet të merret në javët e ardhshme./RTK/Katror.info
