Qeveria e Kosovës ka lansuar një skemë grantesh në vlerë prej 1 milion eurosh për ndërmarrjet prodhuese, përfshirë ato që tashmë kanë hyrë në tregun e energjisë elektrike. Kjo përkrahje do t’u mundësojë atyre të përfitojnë deri në 25 mijë euro për investime që rrisin efiçiencën e energjisë dhe konkurrueshmërinë.
Përmes kësaj skeme, prodhuesit do të kenë mundësi:
të prodhojnë vetë energjinë elektrike që konsumojnë përmes paneleve solare fotovoltaike,
Mundesh me e lexu edhe…
ta ruajnë atë përmes baterive,
të ngrohin ujin me sisteme solare termike,
të përmirësojnë efiçiencën e ndërtesave duke izoluar muret, çatitë, dyert dhe dritaret,
si dhe të rrisin efiçiencën e linjave të prodhimit me pajisje moderne, si shndërruesit frekuencorë.
Skema e granteve u prezantua nga Kryeministri Albin Kurti, Ministrja e Industrisë, Ndërmarrësisë dhe Tregtisë Rozeta Hajdari, si dhe Ambasadori i Luksemburgut në Kosovë, Eric Dietz. Ajo do të zbatohet nga Agjencia për Investime dhe Përkrahjen e Ndërmarrjeve në Kosovë (KIESA), në partneritet me Ministrinë e Ekonomisë dhe agjencinë zhvillimore të Luksemburgut LuxDev, me mbështetjen e Qeverisë së Luksemburgut./Katror.info
