Në prill 2022, kryeministri grek Kyriakos Mitsotakis përuroi parkun me energji solare, më të madhin në Evropë, një fermë diellore e ashtuquajtur e dyanshme, me kapacitet prej 204 megavat. Ky projekt është pjesë e planit të Greqisë për të dyfishuar kapacitetin e saj të energjisë së rinovueshme në 19 gigavat deri në vitin 2030.
Panelet diellore dyfaciale, të cilat gjenerojnë energji nga të dyja anët, ndihmojnë në arritjen e këtij qëllimi. Shtytja për energjinë e gjelbër është bërë edhe më e fortë që nga pushtimi i Ukrainës nga Rusia, pasi Evropa synon të reduktojë varësinë e saj nga gazi rus, shkruan Optimist Daily.
Parku solar, i vendour në qytetin Kozani, është ndërtuar nga kompania më emadhe e naftës në Ballkan, Hellenic Petroleum. Kompania pretendon se po kalon një transformim në një prodhues të energjisë së pastër dhe madje ka lënë të kuptohet se do të shtojë ruajtjen e baterive edhe në parkun diellor.
Mundesh me e lexu edhe…
Sa energji do të gjenerojë parku diellor?
Në javët e ardhshme, parku do të lidhet efektivisht me rrjetin elektrik të vendit dhe do të furnizojë 75,000 familje.“Ky projekt pasqyron synimet tona kombëtare për energji të lirë dhe të pastër nga dielli, nga era, nga uji”, deklaroi kryeministri Mitsotakis në inaugurimin e parkut.
Greqia tashmë ka dëshmuar përkushtimin e saj për një botë më të gjelbër duke tejkaluar objektivin e saj për burimet e rinovueshme për vitin 2020 duke arritur 21.7 për qind konsumin e energjisë së rinovueshme.
Kjo nuk është e mjaftueshme në sytë e tyre. Vendi refuzon të ndalet këtu dhe synon ta rrisë këtë shifër në 35 për qind deri në vitin 2030. /Katror.info
Përgatiti:
