Çmimi Nobel për Paqe këtë vit i është ndarë grupit japonez, Nihon Hidankyo, organizatë e të mbijetuarve të sulmeve me bombë atomike në Hiroshima dhe Nagasaki.
Ata bëjnë thirrje vazhdimisht për braktisje të armëve bërthamore, shkruan REL.
“Rrënjët e lëvizjes së të mbijetuarve të bombave atomike në Hiroshima dhe Nagasaki, e njohur edhe si Hibakusha, shpërblehet me Çmimin Nobel për Paqe, për përpjekjet për ta bërë një botë pa armë bërthamore, dhe duke na treguar si dëshmitar që armët bërthamore nuk duhet të përdoren më kurrë”, ka thënë Komiteti, teksa e ka bërë të ditur fituesin.
Mundesh me e lexu edhe…
“Përpjekjet e jashtëzakonshme të Nihon Hidankyos dhe përfaqësuesve tjerë të Hibakushas, kanë kontribuuar shumë në krijimin e tabusë bërthamore”.
Komiteti Norvegjez i Nobelit e ka bërë të ditur këtë lajm të premten nga Oslo, duke zgjedhur këtë grup në mes të 197 individëve dhe 89 organizatave të nominuara.
Çmimi ka vlerën e rreth 1 milion dollarëve.
Vitin e kaluar, me këtë çmim është nderuar aktivistja iraniane për të drejta të grave, Narges Mohammadi.
Rreth organizatës
Nihon Hidankyo, apo Konfederata Japoneze e Organizatave që kanë vuajtur nga bomba A dhe H, u themelua në vitin 1956 për t’i përfaqësuar të mbijetuarit e bombardimeve atomike në Hiroshima dhe Nagasaki (e njohur si hibakusha). Organizata mbron heqjen e plotë të armëve bërthamore dhe mbështet të drejtat dhe mirëqenien e Hibakusha.
Ata luajnë rol të rëndësishëm në ngritjen e vetëdijes globale për ndikimin shkatërrues njerëzor të luftës bërthamore, duke nxitur traktatet ndërkombëtare të çarmatimit dhe duke ofruar dëshmi të të mbijetuarve nga bomba atomike.
Puna e Hidankyo përfshin përpjekjet për të siguruar mbështetje mjekësore, financiare dhe ligjore për hibakusha, si brenda Japonisë ashtu edhe globalisht. Organizata është njohur për kontributin e saj në aktivizmin e paqes dhe anëtarët e saj marrin pjesë rregullisht në konferenca globale, përfshirë në Kombet e Bashkuara, për të bërë thirrje për çarmatim bërthamor./Katror.info
Përgatiti:
