Adrieanna Tyler deri në moshën 13-vjeçare mendoi se e njihte babin e saj, deri në momentin kur iu referua si njerku i saj. Që atëherë, gjithmonë deshi ta njihte babin biologjik – por asnjëherë nuk ia doli të mësonte ndonjë gjë për të.
Sot, si një 33-vjeçare, nënë dhe e martuar, kujton se si ishte e dëshpëruar ta gjente babin e saj të vërtetë, shkruan Good News Network.
Kërkimin e filloi përsëri këtë vit duke porositur një pako testi të ADN-së, si dhe kërkoi ndihmë në një grup në Facebook, ku njerëzit e ndihmojnë njëri-tjetrin të bashkohen me të afërmit e humbur prej kohësh.
Mundesh me e lexu edhe…
“Një zonjë e mrekullueshme me emrin Suzanne, pjesë e grupit më ndihmoi ta plotësoj pemën time familjare dhe pasi bëmë një test të ADN-së, e gjetëm tezen time”.
Kështu gjurmuan tezen e saj 47-vjeçare, Kathie Johnson, dhe prej aty e gjetën babin e saj biologjik, Joseph Frank, i cili ishte zyrtar policor që jetonte 1000 milje larg në Florida.
“Kur më tha se do të më vinte në kontakt me babin, isha shumë e emocionuar! Si ta telefonosh dikë dhe ta pyesësh ‘a je babai im?”
Ndonëse babai nuk ishte në dijeni se ajo kishte lindur ndonjëherë, ai u gëzua shumë kur mësoi se jo vetëm që kishte një vajzë, por që kishte edhe dy nipa e mbesa.
“Ku i tregova, ai u emocionua ndërsa unë u lehtësove. Në fillim ndihesha e frikësuar sepse mendoja se s’do t’ia dinte për mua”, tha Adrieanna.
Pasi muajsh komunikimi me mesazhe dhe video-telefonata të përditshme, duke u njohur me njëri-tjetrin, Joseph udhëtoi nga Florida në Pensilvani në mënyrë që ata të mund të takoheshin personalisht për herë të parë.
Javën e kaluar u takuan në një festival vendas afër shtëpisë së saj, dhe tash po planifikojnë një festë familjare.
“Në kohën kur mësova për Adrieanna, po kaloja një periudhë të vështirë të jetës sime dhe kisha shumë nevojë për këtë. Perëndia punon në mënyra të çuditshme”, tha Joseph.
“Një pjesë e zemrës sime u mbush përsëri kur mësova për vajzën”.
Joseph tregoi se kishte pasur një “romancë verore” me nënën e Adrieannas në vitet e ’80-ta teksa punonte në fermën e xhaxhait të tij. Ata kaluan kohë së bashku, mirëpo jo diçka serioze, thotë Joseph, i cili nuk ishte në dijeni se ajo po priste një fëmijë.
Joseph kaloi kohë me familjen për tre ditë – kurse takimin me Adrieannan e përshkroi si “përvojë surreale”.
Ndërsa Adrieanna tha, “Gjithmonë kam menduar se një burrë ekziston diku atje që e meriton ta dijë se ka dy nipër e mbesa. S’kam dashur të vdes pa e përjetuar këtë ndjenjë”./Katror.info
Përgatiti:
