Çdo pranverë, pylli Hallerbos pranë Brukselit në Belgjikë shndërrohet në një destinacion të veçantë për mijëra vizitorë. I njohur për lulëzimin e luleve të kaltërta, ky pyll nuk tërheq vëmendjen vetëm për bukurinë natyrore, por edhe për ndikimin pozitiv që ka në shëndetin mendor.
Ky pyll, i njohur tashmë si “farmacia e gjallë për shëndetin mendor”, është bërë një strehë për njerëzit që kërkojnë çlodhje nga stresi i jetës moderne. Vizitorët e përshkruajnë përvojën në këtë pyll si çlodhëse dhe qetësuese.
Ajri i pastër, ambienti natyral dhe pamja e bukur e bimëve që lulëzojnë në këtë periudhë ofrojnë mundësinë për një përvojë të thellë relaksuese që ndihmon në uljen e nivelit të stresit dhe përmirësimin e gjendjes emocionale.
Mundesh me e lexu edhe…
Të rinjtë nën 30 vjeç, të cilët përjetuan pasigurinë e krizës shëndetësore globale, shpesh ndihen të paqetë për të ardhmen.
Ky pyll është një mundësi për t’u shkëputur nga rrjetet sociale, për të përjetuar natyrën në mënyrë autentike dhe për të gjetur një pauzë të vërtetë për mendjen dhe shpirtin.
Hallerbos ofron një përvojë të thjeshtë dhe të thellë: ecje në natyrë, frymëmarrje e thellë dhe një atmosferë qetësie që ndihmon në uljen e stresit dhe përmirësimin e mirëqenies psikologjike.
Ndryshe nga shumë destinacione të tjera të mbingarkuara nga turizmi masiv, Hallerbos mbetet një vend ku mund të shijosh natyrën në mënyrë të qetë dhe pa pengesa./Katror.info
Përgatiti:
