Shefja për teknologji e kompanisë OpenAI, Mira Murati, ka njoftuar se po largohet nga kjo kompani pas gjashtë vjetësh e gjysmë.
Murati kishte shërbyer si shefe ekzekutive e kompanisë vitin e kaluar në kohën kur kishte pasur një puç të dështuar kundër themeluesit të firmës, Sam Altman.
Përmes një njoftimi, që ajo ua ka dërguar punonjësve, të cilën e ka shpërndarë edhe në X, Murati tha se “kam marrë vendimin që të largohem nga OpenAI”.
Mundesh me e lexu edhe…
Largimi i Muratit vjen pasi një sërë zyrtarë të lartë të kompanisë së inteligjencës artificiale, që mbështetet nga Microsoft, janë larguar gjatë këtij viti, përfshirë edhe themeluesit Ilya Sutskever dhe John Schulman.
OpenAI, kompania që ka në pronësi ChatGPT, është një prej kompanive që ka përjetuar më së shumti rritje në botë.
“Asnjëherë nuk është momenti i duhur që të largohesh nga vendi që e vlerëson, por sërish, ndiej se ky është vendimi i duhur”, tha Murati, inxhinierja 35-vjeçare nga Vlora e Shqipërisë.
“Lansimi i modeleve tona për të folurit të Open AI o1, shënojnë fillimin e një epoke të re të ndërveprimit dhe inteligjencës – arritje të mundësuara nga zgjuarsia dhe mjeshtëria juaj”, tha Murati në njoftimin dërguar punonjësve të OpenAI.
Murati tha se po largohet nga kompania sepse dëshiron të krijojë “kohë dhe hapësirë për të eksploruar”. Ajo shtoi se fokusi i saj kryesor do të jetë që në kompani të ketë një “tranzicion” të lehtë pas vendimit për t’u larguar nga kompania.
Shefi ekzekutiv i OpenAI, Sam Altman, përmes një postimi në X e falënderoi Mira Muratin “për gjithçka”.
Ai tha se Mira Murati ishte një person shumë i rëndësishëm për OpenAI, “për misionin tonë dhe për ne të gjithë personalisht”.
“Jam jashtëzakonisht mirënjohës ndaj saj, për ndihmën që nga ka ofruar që të ndërtojmë dhe arrijmë, por mbi të gjitha ndiej mirënjohje personale ndaj saj për mbështetjen dhe dashurinë në kohë të vështira. Mezi pres të shoh se çfarë do të bëjë ajo tani”, tha ai.
Rritja e OpenAi është përshpejtuar që kur më 2022 lansoi aplikacionin ChatGPT. Aktualisht, besohet se vlera e kompanisë është më shumë se 150 miliardë dollarë, shkruan Radio Evropa e Lirë.
Kjo është historia mbresëlënëse e Mira Muratit
Murati u lind në Shqipëri në vitin 1988 dhe prejardhja e saj besohet të jetë nga qyteti i Vlorës. Kur ishte vetëm 2 vjeç, kishte rënë regjimi diktatorial asokohe në Shqipëri.
Për shkak të përvojës së saj me ndryshimet e regjimit dhe librat e historisë që ndryshonin vazhdimisht, ajo gjeti ngushëllim në saktësinë e matematikës dhe fizikës që në fëmijëri.
“Jam rritur në Shqipëri, një vend i vogël në Evropë. Kjo ishte gjatë periudhës së tranzicionit nga komunizmi totalitar në kapitalizmin liberal. Kur isha vetëm 2 vjeçe, ra regjimi diktatorial,” pati thënë ajo në një intervistë.
Mira Murati is the most powerful CTO in the world.
As CTO of OpenAI, she has led the work on ChatGPT, DALL-E, the OpenAI API, GPT-4, and much more…
And she only graduated college in 2012 🤯
Here's Mira's amazing story:
1/10 pic.twitter.com/HckD554K3g— Aakash Gupta (@aakashg0) July 16, 2023
Një nxënëse e dalluar në Shqipëri, Murati fitoi një bursë për një shkollë të mesme ndërkombëtare elitare në Kanada, ku kreu dy vitet e fundit të arsimit të saj të mesëm.
Pas përfundimit të kësaj shkolle, ajo u diplomua me një titull në inxhinieri nga Universiteti Dartmouth, pjesë e Ivy League. Projekti i saj i fundit atje ishte ndërtimi i një makine garash hibride, shkruan Telegrafi.
Sipas rrëfimeve, pas diplomimit në Dartmouth, Murati për një periudhë të shkurtër punoi si inxhiniere në një kompani të industrisë hapësinore, përpara se t’i bashkohej gjigantit të automobilave, Tesla.
Gjatë tre viteve të saj në Tesla, ajo shërbeu si Menaxhere e Lartë e Produkteve, duke udhëhequr procesin e prodhimit të Model X dhe duke punuar intensivisht në zhvillimin e sistemit Autopilot.
Ky angazhim e shtyu atë të interesohej edhe më shumë për teknologjinë e Inteligjencës Artificiale.
Pas përvojës në Tesla, Murati iu bashkua Leap Motion, një kompani që zhvillon teknologji kompjuterike hapësinore, e themeluar nga David Holz, krijuesi i Midjourney.
Në Leap Motion, ajo punoi ngushtë me disa nga mendjet më të ndritura në fushën e Inteligjencës Artificiale, duke mbikëqyrur si zëvendës-presidentin, ashtu edhe zhvillimet inxhinierike të kompanisë.
Kjo përvojë e thellë e dërgoi shqiptaren drejt OpenAI.
Ajo fillimisht nuk iu bashkua OpenAI si Shefe e Teknologjisë, por si zëvendës-presidente e Partneriteteve të Inteligjencës Artificiale të Aplikuar, ku luajti një rol kyç në transformimin e OpenAI nga një organizatë jofitimprurëse në një kompani fitimprurëse.
Në atë rol, ajo drejtoi partneritetin strategjik me Microsoft (që filloi në vitin 2019).
Përveç kësaj, Murati ishte përgjegjëse për prezantimin e OpenAI API, një nga zhvillimet më të rëndësishme në aplikimin e Inteligjencës Artificiale.
Kjo nismë transformoi OpenAI nga një organizatë jofitimprurëse në një entitet më të fokusuar në tregti, duke krijuar një sistem ku përdoruesit mund të blinin kredite për të aksesuar API-në e OpenAI, duke e zhvendosur organizatën drejt gjenerimit të të ardhurave përmes aktiviteteve komerciale.
Ky hap përshpejtoi komercializimin e OpenAI, duke e kthyer atë nga një organizatë jofitimprurëse në një entitet që ofronte shërbime me pagesë përmes krediteve të API-së së saj.
Për punën e saj të jashtëzakonshme, në dhjetor të vitit 2020, Murati u promovua në rolin e zëvendës-presidentes së lartë (SVP).
Nuk u ndal me kaq; ajo udhëhoqi gjithashtu lansimin e DALL-E, një platformë shumë e njohur për krijimin e imazheve nga teksti, që u bë një tjetër sukses i madh.
OpenAI's Mira Murati says the first time her mother used ChatGPT she asked it, "When will Mira get married?" pic.twitter.com/9gNRvrjA6p— Tsarathustra (@tsarnick) September 3, 2024
Vetëm 18 muaj pasi u bë SVP, Murati arriti një tjetër ngritje të rëndësishme, duke u emëruar Shefe e Teknologjisë (CTO) në OpenAI, një kompani lider në fushën e Inteligjencës Artificiale.
Kjo ndodhi në maj të vitit të kaluar, pak përpara se OpenAI të bënte një nga lansimet më të mëdha në historinë e teknologjisë.
Si CTO, ajo mbikëqyri lansimin e ChatGPT, produktit më të rëndësishëm të OpenAI deri më tani.
ChatGPT, i cili u prezantua më 29 nëntor të vitit të kaluar, pati një ndikim të jashtëzakonshëm, duke ndryshuar rrënjësisht mënyrën se si njerëzit ndërveprojnë me teknologjinë.
Pas prezantimit të ChatGPT, Murati ka udhëhequr gjithashtu prezantimet e GPT-4, Plugins, dhe Code Interpreter.
Duke marrë parasysh këtë trajektore, Murati pritet të luajë një rol të rëndësishëm në avancimin e përdorimit global të Inteligjencës Artificiale./Katror.info
Përgatiti:
