Në moshën 36-vjeçare, pas më shumë se 14 vitesh në skuadrën e Francës, Hugo Lloris njoftoi të hënën fundin e karrierës së tij ndërkombëtare. Kapiten që nga viti 2010, portieri ka 145 përzgjedhje (rekord) me blutë.
Hugo Lloris, kapiteni i skuadrës, njoftoi të hënën lamtumirën e tij nga kombëtarja e Francës. Fundi i një historie prej më shumë se 14 vitesh me kombëtaren, e cila filloi më 19 nëntor 2008, gjatë një miqësore kundër Uruguajit në Stade de France (0-0).
Me kalimin e viteve, portieri i ‘bluve’ është bërë një shtyllë e skuadrës së Francës, të cilën e udhëhoqi si kapiten që në vitin 2010, madje duke kapur, gjatë Botërorit të fundit, edhe rekordin e kombëtares që mbante Lilian Thuram (145 kundër 142). Kampioni i Botës 2018, Hugo Lloris ka deklaruar se ndeshja e tij të fundit me blutë ka qenë ajo më 18 dhjetor, gjatë finales së Kupës së Botës në Katar, e humbur kundër Argjentinës (3-3, 2-4 me penallti) .
Mundesh me e lexu edhe...
“Vjen një moment që duhet të dish të kalosh dorën, – shprehet portieri Loris në një intervistë për “L’Équipe”. – Gjithmonë kam thënë dhe përsëritur që skuadra e Francës nuk i përket askujt dhe të gjithë duhet të sigurohemi që të jetë kështu, unë së pari. Mendoj se prapa, skuadra është gati për të vazhduar, ka edhe një portier që është gati (Mike Maignan)”.
Me ‘Blutë’, Hugo Loris ka edhe një finale të Euros (2016), një fitore në Ligën e Kombeve (2021) dhe mban rekordin e kapitenit (121). Ai tani do t’i përkushtohet karrierës së tij me Tottenhamin, kapiten i të cilit është dhe ku luan që nga viti 2012, pasi filloi si profesionist në OGC Nice (2005-2008), ndërkohë që kishte kaluar edhe nëpër Olympique Lyonnais (2008-2012).
“Preferoj të dal duke qenë në krye, sesa të pres një rënie të shpejtë, apo më shumë konkurrencë,- vazhdon Lloris. – Ekziston edhe një zgjedhje familjare, ndjej nevojën të kaloj më shumë kohë me gruan dhe fëmijët e mi”./Katror.info
Përgatiti:
