Aktori amerikan Jason Momoa ka festuar ditëlindjen e tij të 44-të. Aktori muskuloz, emri i plotë i të cilit është Joseph Jason Namakaeha Momoa, njihet më së shumti për rolin e tij si Aquaman në dy filma, dhe sot ai është i preferuari i grave në mbarë botën.
Jason e filloi karrierën e tij në serialin Baywatch: Hawaii, dhe në një rast zbuloi se nuk i lejon fëmijët e tij ta shikojnë atë serial.
“Në shtëpi nuk guxon të përmendet ajo fjalë me shkronjën B. Ua fshehim. Kjo nuk ndodhi kurrë, seriali me shkronjën B nuk ndodhi”, kishte thënë ai duke qeshur në një intervistë disa vite më parë.
Mundesh me e lexu edhe…
Aktori ka një vajzë Lola Iolani (12) dhe një djalë Nakou-Wolf Manakauapa Namakaeh (11) me kolegen e tij Lisa Bonet, me të cilën ishte i martuar nga viti 2017 deri në 2022, dhe ata ishin në një lidhje që nga viti 2005.
Midis viteve 2011 dhe 2019, Jason luajti Khal Drogo në serialin “Game of Thrones” dhe fitoi popullaritet të madh.
Ai luajti edhe ‘Aquaman’ në vitin 2018, ndërsa në fund të vitit 2023 do ta shohim në vazhdimin e dytë të filmit, ‘Aquaman and the Lost Kingdom’.
Jason ka pasur lidhje edhe me aktoren australiane Simmone Jade Mackinnon (49). Ata ishin bashkë që nga viti 1999, u fejuan në vitin 2005 dhe u ndanë në vitin 2006. U përfol se ai ishte në një lidhje me yllin e serialit “Game of Thrones” Emilia Clark (36), mes viteve 2011 dhe 2013, por ata e mohuan dhe thanë se ishin thjesht miq./Katror.info
Përgatiti:
